Ditën e sotme në media ka qarkulluar një lajm që ka nxitur reagime të forta në rrjet, pasi sipas tyre, këngëtarja e njohur shqiptare Eli Fara ka marrë rrogë dhe fonde nga një post drejtues në administratë falë raporteve me ish-ministrin Fatmir Mediu.
Sipas burimeve nga Thesari i Shtetit, Eli Fara, nga muaji janar 2006, deri në muajin gusht 2009, është paguar në Ministrinë e Mbrojtjes “Drejtore Inovacionesh”. Më pas kur ministri Fatmir Mejdiu, kaloi në postin e radhës, zgjodhi që ta kishte në të njëjtin staf.
Pasi u zgjodh si ministër Mjedisi, Mediu e emëroi këngëtaren si “Drejtore të Përgjithshme për Ngrohjen Globale”, shkruan Gazeta Dita.
Ndërkohë gazetari Dritan Hila në një postim në rrjetet sociale i ka dalë në mbrojtje këngëtares, duke thënë se ajo është një grua pa burrë që përpiqet të mbijetojë. Sipas tij, nëse artistët në Shqipëri do të shpërbleheshin për aftësitë e tyre, Eli Fara do ta mbante me lekë Fatmir Mediun dhe jo e kundërta.
“Mjaft u moret me Eli Faren. Eshte nje grua pa burre e cila perpiqet te mbijetoje. Nese ketu artistet do shperbleheshin per aftesite e tyre, Eli Fara do mbante me leke Mehdiun dhe jo e kunderta. Merruni me Mehdiun se ai i ka hedhur firmat dhe jo me nje grua.
Meqe ra fjala keto Ojf-te per mbrojtjen e grave qe hapin gojen kamare kur i shahet gruaja Makronit, nuk i kam degjuar te mbrojne grate shqiptare kur sulmohen”, shkruan Dritan Hila.