Shemsi Premçi ish-Drejtori i Emergjencave Civile, nga viti 2013-2018, një nga njerëzit që ka braktisur dhe tradhtuar disa herë Partinë Demokratike, tashmë po braktis Rilindjen për të shkuar tek Luli
Në vitin 2011 ai u bashkua me socialistët në Bashkinë e Kamzës, në zgjedhjet lokale të asaj kohe. Më pas në 2013-ën, ai ishte mbështetësi kryesor i Partisë Socialiste, i Rilindjes dhe mbështetësi i Shkëlqim Canit gjatë fushatës zgjedhore në Qarkun e Dibrës.
Tani pasi Shkëlqim Cani ka iku nga Ministër, Shemsi Premçi ka kaluar me Lulzim Bashën.
Pas një profili kritik të Sherefedin Shehut ish-deputetit dhe kandidatit për kryetar bashkie në Peshkopi, nuk kanë reaguar demokratët, por ka reaguar Shemsiu, i cili deklaron me plot gojën se është krenar që ka qenë gjatë fushatës në krah të Shkëlqim Canit, një nga ministrat më të paaftë dhe më të dështuar të Partisë Socialiste.
Ndërsa pranon që ka bërë fushatë për socialistët por edhe që ka ikur nga PD, merr guximin dhe bën moral që njerëzit të shkojnë në protestë dhe të mbështesin Lulin.
Premçi qenë drejtor Policie në kohën e Berishës, pastaj shkoj në PS në zgjedhjet lokale të 2011-ës, për të vijuar sërish me PS në 2013 ku u bë edhe Drejtor i Emergjencave Civile me Edi Ramën. Pasi e hoqi Rama nga drejtor ai ka shkuar tek Luli.
Shemsiu është nga ata që po ta bësh drejtor vjen me ty, ndoshta e ka gënjyer Luli prap që ta bëjë drejtor, por s është çudi e madhe që të mos e bëjë dhe ai të shkojë prap me Rilindjen
Më poshtë po sjellim komentet e Shemsi Premçit, i cili ka marrë shpatën e demokratit dhe të militantit të Lulzim Bashës, ndërkohë që luftoi kundër tyre dhe investoi tek Partia Socialiste dhe Rilindja që të vinte në pushtet.
Sot demokratët janë pa punë, janë rrugëve, ndërsa Shemsi Premçi ka luksin dhe të marrë rrogën në administratë edhe të shkojë të protestojë kundër administratës që punon. Kjo është hipokrizia e radhës e Republikës së Re dhe e Lulit që po mbledh dhe ç’ti dalë përpara, vetëm e vetëm që të justifikojë shpartallimin dhe copëtimin e Partisë Demokratike./CNA.al