Bazuar nga një sondazh i fundit për gjoja drejtësinë e re, rezulton se 67% përqind e shqiptarëve janë të bindur, që po bëhet drejtësi.
Gjithë ky entusiazëm buron nga disa arrestime periferike të zyrtarëve të qeverisë aktuale, me radhë e pa radhë, thjesht për të mbushur minutazhin e mediave me aksione spektakolare në emër të drejtësisë.
Por a është bërë drejtësi? Përgjigjia është “Jo”, sepse drejtësi nuk do të thotë të mbushësh qelitë me zyrtar të fajshëm apo të pafajshëm, që në fund duhet me patjetër të dalin fajtor. Drejtësia është peshore dhe nuk është tregëti zarzavatesh, që i zoti i mallit e vendos vetë në kandar duke e vlerësuar me hamendje mallin që të jep.
Rasti më i fundit ka të bëj me kryebashkiakun Safet Gjici, që tregon fare qartë, se si “vrapon” SPAK, për të krijuar iluzione sikur po lufton korrupsionin. Korrupsion me fjalë dhe muhabete kafenesh, vëtëm imagjinata e spak-istave mund të krijoj.
Korrupsioni i Safetit për përfitim seksual u katandis në një shpërdorim detyre, vepër që mund ta hetonte çdo prokuror në gjendje të lirë, deri kur të shpallej fajtor, sikurse dhe prostitucionin e Alma K.
Ky rast është në shumatoren e rasteve që kjo strukturë e vjetër me emër të ri ka grumbulluar duke qenë larg misionit që ka… korrupsion dhe krim të organizuar.
Guximi dhe trimëria për të çuar pas hekurave çdo person që u del përpara në emër të drejtësisë së re, është një krim me pagesë nga taksapaguesit shqiptarë.
Pagat stratosferike dhe përfitimet e jashtëzakoonshme familjare, nuk justifikohen duke rënduar xhepat e shqiptarëve me të burgosur pa qenë të dënuar me burg. Sipas sondazhit të fundit, 60% e të burgosurve në Shqipëri janë prsona nën hetim dhe jo të dënuar me vendim të formës së prerë dhe ky skandal u kushton miliona euro xhepave të grisur të shqiptarëve.
Kjo argumenton më shumë atë që thonë shumë juristë dhe specialist të drejtësisë, se kjo nuk është drejtësi e ndryshuar, sepse pothuajse i gjithë arsenali i “armëve juridike” të këtyre strukturave është po ai i ish drejtësisë së plepave dhe ish diktaturës, që ndryshoi emrin por kurrë fytyrën.
Ish Prokuroria dhe ish Gjykata e Krimeve të Rënda, pa këto paga skandaloze dhe përfitime, ka qenë shumë herë më efektive se sa këta prokuror dhe gjyqtarë “as mish as peshk”, që fal këtij vesi të ulët ia futën vettingut dhe janë sot akoma në drejtësi.
Dërgimi pas hekurave i dhjetëra bandave kriminale, që kanë vepruar prej vitesh në Shqipëri, me rrezikshmëri të lartë shoqërore dhe me një rrezik potencial për njerzit e drejtësisë, ishte nje betejë shumë herë më e madhe se tallja me arrestin e Saliut në ballkon dhe të Abit milioner, që shkon në gjyq me Mercedes të fundit si John Gotti.
Drejtësia sot është si ajo plaka që po martohet me vello dhe e llangosur me stuko e bojë… e cila premton se do të na sjell në jetë dhe një fëmijë./Ekskluzive.al