Dikur dashnorë, sot armiqë sa urrejnë njëri-tjetrin. Kjo do të përshkruante mjaft mirë marrëdhënjen mes PS dhe LSI.
Marrëdhënjet e tyre u acaruan aq shumë sa Monika, u zhvesh në mes të Kuvendit duke gjuajtur çizmet drejt Ramës.
Rama krejt i qetë, nuk e prishi terezinë, edhe pse njihet për natyrën e tij të vrazhdë dhe arrogante.
Po si ia kthue çizmet Rama Monikës?
Me një dosje, pikërisht me dosjen e ndërtimit të rrugës së Elbasanit. Ish-drejtori i rrugëve, Dashamir Xhika është dënuar me burg, ndërsa ka nisur hetim edhe për ish-ministri Edmond Haxhinasto.
Ky i fundit u thirr nga Prokuroria për një tjetër dosje hetimore, ajo e rrugës Elbasan-Tiranë.
“Në prokurori u pyeta për ato gjëra që kanë të bëjnë me përgjegjësitë e mia, si ish drejtues i Ministrisë së Transporteve gjatë një periudhe të zhvillimit të këtij projekti”, tha ish-ministri Haxhinasto.
Pas kësaj lëvzjeje, në LSI ran ë qetësi funebre. Asnjë nuk foli. Monika e xhindosur duket se nga frika u qetësua.
Aksioni opozitar nuk ishte aq agresiv si disa javë më parë.
Monika priti pak ditë dhe nga frika tentoi të afrohet sërish me Ramën për një koalicion qeverisës. LSI, në fakt, në Kuvend bashkoi votat me PS për ligjin e Vettingut në polici.
Kjo ishte një joshje e hapur e Monikës ndaj Ramës. Por kësja here, Rama e ka tepsinë në dorë dhe nuk ia ka nevojës deputetëve të LSI, të cilët sikur të ishin në ankand e rrisin çmimin e tyre sa herë është rasti.
Monika, siç u pa edhe më pas nuk mjaftoi me kaq. E joshi sërish Ramën, por përmes Nikollë Lesit, i cili shkruante se duhet koalicion PS dhe LSI.
Ndëkohë, Monika po përballet edhe me një tjetër problem. LSI-së po i ikin ato edhe ato që i kanë mbetur. Po i avullojnë Këshilltarët bashkiak duke u bashkuar me PS. Kjo është një goditje tjetër për Monika Kryemadhin.
Por Monikës nuk po i ecën puna as me Bashën. Kryemadhi nuk mund të mbajë 2 kunguj në një sqetull. Pas tentativave të saj për tu bashkuar me Ramën, Basha ka krijuar një lloj distance me LSI.
Kjo do të jetë një goditje fatale për Monikën, e cila do të vdiste LSI-në./Pamfleti