Një ditë para se gjykata ti heq lirinë liderit të opozitës, Sali Berisha zgjodhi rrjetet sociale për të komunikuar me demokratët. Berisha deklaroi se kërkesa e SPAK-ut për të caktuar si masë sigurie ndaj tij arrest në shtëpi është pjesë e skenarit të kryeministrit Edi Rama për të eliminuar opozitën. Lideri historik i demokratëve theksoi se ka lideri i mazhorancës Rama i mori logon PD, i mohoi opozitës të drejtën e komisioneve hetimore e së fundmi kërkon të arrestojë kreun e opozitës, një situatë e ngjashme sipas Berishës me atë që ndodh sot në Rusi.
“Rama kërkon të arrestojë kryetarin e partisë më të madhe opozitare. Putini ka zhdukur edhe nga burgjet Navalnin, Putin Navalnin e ka frikë edhe në burg. Rama bën të njëjtën gjë”, tha Berisha.
Sipas liderit të opozitës Berisha në këtë situatë demokratët duhet të përballen me qeverinë Rama, duke sjellë shembull ngjarjet në Serbi.
“Opozita e Beogradit u fut në parlament se i vodhën zgjedhjet, opozita shqiptare duhet të largojë me mosbindje civile Edi Ramën. Kjo është rruga që ne duhet të ndjekim”, u shpreh ai.
Berisha tha se mosbindja civile është e vetmja rrugë për opozitën, duke deklaruar se nuk pret një vendim pozitivë nga gjykata e lartë e cila mblidhet të mërkurën për të vendosur se kujt i takon logoja e PD
“Unë nuk pres gjë nga gjykata, unë pres vetëm nga protesta e qytetarëve”, deklaroi Berisha.
US Setting Historic Oil Production Record
Keep Watching
Lideri i opozitës është shfaqur i bindur se të martën gjykata do të vendosë heqjen e lirisë për të, por pavarësisht kësaj ai do të vazhdojë të drejtojë demokratët.
“Në këtë situatë PD do ta drejtojë Sali Berisha. Kryesia e pd do të merret me drejtimin e punëve të PD”, tha ish-kryeministri.
Edhe pse sot është festa e krishtlindjes dhe është një dite pushim, Sali Berisha i ka nisur takimet që në orët e para të mëngjesit. Rreth orës 09.00 Berisha ka shkuar në zyrën që ka mbajtur, pasi u largua nga posti i kryeministrit, në një prej ndërtesave pranë stadiumit Air Albania. Pak minuta më vonë në këtë ndërtesë ka hyrë edhe Gazment Bardhi, kryetari i grupit parlamentar demokrat. Por vetë Bardhi ka hedhur poshtë idenë se është takuar me liderin historik të demokratëve, duke sqaruar për median se ka takuar ish-nënkryetarin e PD Alfred rushaj.
Nga ana tjetër Berisha në orën 10.30 minuta ka shkuar në selinë e PD për të vazhduar takimet me bashkëpunëtorët e tij. Kjo duket se është dita e fundit që Berisha kalon në selinë e Partisë Demokratike, pasi nesër në momentin që gjykata jep masën e sigurisë, Berisha do ta zbatojë vendimin duke qëndruar në banesën e tij në rrugën Mustafa Matohiti.