Personi non grata intriganti Sali Berisha vazhdon të hiqet si kryetari i PD ku në zyrën e uzurpur të SHQUP çfarë nuk intrigon. A sot pranon atë que i di çdo qytetarë, atë që faktohet edhe përmes fotove që qarkullojnë në rrjet, se e ka takuar në zyrën e tij Alma K. Protagonisten e video-skandalit që sot ka çuar pas hekurave ish-kryebashkiakun e Kukësit, Safet Gjici me 2 akuza.
Por se çfarë ka diskutuar në atë takim dhe kur është realizuar ai, Berisha refuzon ta zbulojë.
“Alma ka ardhur tek unë. Unë si rregull nuk bëj publike bisedat, secili mund ta bëjë. Unë vetë nuk bëj publike. Po të deshe bëje vetë. Nuk merr njeri porosi nga unë këtë thuaje apo jo” tha Berisha në konferencën e sotme me gazetarët.
Berisha mohon që takimi me 40-vjeçaren të ketë prapavijë një kurth të dirigjuar prej tij për Safet Gjicin, sikurse ngrihen dyshime nga një audio-përgjim që disa media po pretendojnë, duke thënë se nëse do të përdorte këtë praktikë për luftë politike, kryebashkiaku i Kukësit, nuk do ishte i pari në listë.
“Nuk është praktika ime e luftës politike kjo…E di mirë Erion Veliaj këtë..që Sali Berisha nuk bën kështu gjërash…ai dhe shumë të tjerë. Nuk është praktikë e imja e luftës politike. Erion Veliaj do e kishte lënë 5 herë detyrën kështu” thotë Berisha.
Për çështjen Gjici, ka një tjetër skenar, duke thënë se kurthi ju ngrit nga të vetët.
“Janë tre variante. Variant parë, korrupsion erotik. Variant i dytë: Ia bënë njëri tjetrit, grindje e brendshme mes PS-së por unë nuk kam fakte.
Almën duan ta paraqesin si kryesore dhe Safetin viktimë. Duket se pasi ka ndodhur historia lëpirës të qeverisë kanë gjobitur Safetin. Gjoba flitet gjer në 500 mijë euro pë të mos dhënë filmin. Ndodhi që filmi u dha dhe tani Safeti nga burgu kërkon paratë. Kanë gjetur si mënyrë që këtë ta ka gjetur Saliu se kanë hall që të mos i kthejnë borxhin”
Në konferencën e përjavshme për mediat, kreu i Rithemelimit përshëndeti vizitën që do të bëjë në fillim të Korrikut ish presidenti i SHBA, Bill Klinton, duke thënë se vjen si një hero kombëtar, ndonëse raportet e Berishës me SHBA tashmë janë të ngrira që prej shpalljes së tij non grata 2 vite më parë.