Grida Duma, dy ditë pasi në publik dolën mesazhet erotike me Ervin Salianjin, fluturoi drejt Seulit. Ironikisht, ajo mbajti një fjalim për vlerat e familjes dhe shoqërisë!
Fjalimi që mbajti duket se ka pasur brenda edhe emocionet e Gridës, për atë që kishte ndodhur ato ditë në Tiranë, pra publikimi i mesazheve erotike të saj me Ervin Salianjin.
“Por, pavarësisht se si ndërtohet karriera e një politikani, të përballosh këtë përgjegjësi, kërkon një forcë, e cila mund të vijë vetëm nga paqja me ndërgjegjen tënde.
Kjo paqe është e pamundur të ndërtohet vetëm në besimin te forca e njeriut sepse do të ishte e pamundur që ndërgjegjja e vetes të kishte referencë po veten e vet”, thotë Grida në fjalimin e saj.
Më pas vijon, duke thënë se e bukura dhe e keqja gjenden brenda çdo njeriu:
“Platoni, mijëra vite më parë, na ka vërtetuar vetëm nëpërmjet arsyes njerëzore se idetë e mëdha si “e mira”, “e bukura”, “e keqja”, “e shëmtuara”, të cilat gjenden në çdo send dhe çdo njeri, nuk janë përcaktime të njerëzores.
Këto ide njeriu i di pa mësuar, vjen me këto ide që nga lindja, kuptimi i tyre është brenda materies së shpirtit, i ardhur bashkë me jetën. Pavarësisht nga diversitetet etnike dhe historike apo diferencat në besime mes nesh, janë këto ide universale që na provojmë ngjashmëritë dhe forcën e njëjtë krijuese mbi të gjithë ne.
Është e një rëndësie jetike që personalitete nga të gjitha fushat, të cilat kanë mundësi të ndryshojnë jetët e njerëzve të thjeshtë, të ndajnë bindjen dhe besimin e përbashkët se shumë më tepër mund të zhvillohen vendet nën një pushtet të ndërgjegjes”.
Ajo që nuk dimë, është fakti nëse Grida Duma, e ka ditur se kush e kishte ftuar në këtë konferencë dhe se mbi ç’bazë doktrinore ngrihet organizata, e cila e kishte ftuar në këtë event.
Për ju që mbase nuk e dini, organizata në të cilën ishte ftuar Grida, është e njejta me atë që ne e njohim me Federata e Familjes, përfaqësuesit e të cilës i gjejmë rrugëve tona me anketa në duar.
Presidenti i kësaj organizate pretendonte se ishte Krishti i ardhur në tokë për të krijuar familjen e tij të shenjtë, gjë të cilën nuk e realizoi dot me ardhjen e tij të parë.
Sipas Soon Myung Moon, ai dhe gruaja e tij e dytë jane prindërit e shenjtë të kësaj familjeje dhe të gjithë anëtarët e kësaj organizate janë fëmijët e tyre shpirtërorë, të cilët duhet të martohen me njëri- tjetrin sipas vullnetit të prindërve të shenjtë.(TemA)
Për më shumë lexoni: https://en.m.wikipedia.org/wiki/Sun_Myung_Moon