Ekspertët kanë bërë një deklaratë të fortë ku shprehen se “Dielli po zgjohet” dhe po sigurohet që këtë ta mësojmë të gjithë. Toka u godit nga një stuhi e fuqishme gjeomagnetike sipas tyre, e cila ishte rezultat i shpërthimeve të forta në sipërfaqen e yllit të sistemit tonë diellore.
Stuhia kishte të gjithë shenjat që tregonin se Dielli po hyn në një cikël të ri, shumë më aktiv sesa përpara.
“Gjërat po ecin shpejt, dhe presim qe pikën e saj më të lartë, kjo fazë ta mbërrijë në 2025-ën”, thote Bill Murtagh, koordinator i programit të qendrës së parashikimeve hapësinore, në kuadrin e administratës kombëtare amerikane oqeanike dhe atmosferike. “Po shohim rritje të ndjeshme të aktivitetit që përkon me ashpërsim të ciklit diellor.
Është një lloj faze zgjimi e Diellit”, shton Murtagh. Stuhia Cannibal u pasua dhe të tjera më të vogla të cilat mund të kenë ndikim jo vetëm në Tokë, por kërcënojë të dëmtojnë edhe satelitët në hapësirë.
Stuhitë gjeomagnetike mund të ndërhyjnë në infrastrukturën thelbësore, duke përfshirë rrjetet e energjisë, satelitët dhe komunikimet me radio për avionët në zona të largëta.
Kjo është arsyeja pse Qendra e Parashikimit të Motit Hapësinor ekziston: Murtagh dhe kolegët e tij monitorojnë motin në kozmos për t`i paralajmëruar në kohë operatorët e kësaj infrastrukture se telashet po afrohen.