Tirana u trondit mbrëmjen e djeshme nga vrasja me armë zjarri i 27-vjeçarit Mehmet Qema. Ai u vra nga shoku i tij 28-vjeçar.
Një 27-vjeçar është vrarë sot nga shoku i tij 28-vjeçar. Detajet që mësohen nga ngjarja janë tronditëse. Mësohet se vrasja nuk ka ndodhur për shkak të konfliktit të çastit por sepse të rinjtë po ‘luanin’ me njëri tjetrën “ruletë ruse”.
‘Ruleta ruse’ është një lojë fatale vdekjeprurëse në të cilën një lojtar vendos një raund të vetëm në një revolver, rrotullon cilindrin, vendos grykën përballë kokës së tij dhe tërheq këmbëzën me shpresën se plumbi i ngarkuar nuk përputhet me mekanizmin e goditje, duke bërë që arma të shkarkohet.
Marius Dema, i cili vrau mbrëmjen e djeshme shokun e tij Mehmet Qema ka deklaruar se ngjarja ka ndodhur aksidentalisht. Në dëshminë e tij pas vetëdorëzimit në polici, Dema mësohet të ketë thënë se nuk e dinte që arma ka qenë e mbushur.
“Armën në tavolinë e solli Mehmeti, na tha se e kishte gjetur në rrugë. Arma ishte pa karikatorë dhe e vjetër. Unë e mora pasi i kam qejf armët dhe po luaja me të e po ua drejtoja shokëve, sepse e konsideroja të padëmshme. Nuk e dija se kishte plumb brenda. Pas krimit u trondita shumë nuk e mbaj mend ku e lashë armën”, mësohet të ketë thënë 28-vjeçari në polici.
Duke qarë me ngashërim, ai u shpreh se më shumë i vinte keq për shokun që vrau se për burgun që do të bëjë.
Ngjarja e rëndë ndodhi një natë më parë pas orës 23:00. Qema bashkë më miqtë e tij po luanin lojën e rrezikshme ‘ruleta ruse’.
Ishte Marjus Dema, ai që mori armën dhe siç e do zakoni qëlloi në drejtim të shokut, të cilit i ra fati i keq për të marrë plumbin e pistoletës me mulli. Qema u dërgua në spital nga miqtë e tij, por fatkeqësisht mbërriti i pajetë në duart e bluzave të bardha.
Dema u vetëdorëzua bashkë me një tjetër, Frenkli Myftari. Ndërsa aktualisht janë në kërkim edhe katër të tjerë: Erlin Peka, Blerim Hoti, Braild Aga dhe Xhuliano Koçi