WhatsApp, Instagram dhe Facebook nuk punojnë prej disa orësh, duke lënë pa komunikuar përdoruesit e tyre. I vetmi mjet komunikimi në të gjithë botën është platformë e “Tëitterit”, ku zyrtarë të lartë të kompanive në fjalë kanë bërë me dije detaje lidhur me çfarë po ndodh. Eksperti Jake Moore hedh dyshime se e gjitha mund të jetë një sulm kibernetik.
Ish-kreu i kriminalistikës dixhitale tha për Independent: Ndërprerjet po rriten, duhen diagnostikuar shkaqet. Parashikimi i këtyre problemeve është gjithnjë e më i vështirë.
Megjithatë edhe pse e gjithë bota ka gjetur alternative për të komunikuar, nuk ka asnjë njoftim se kur do të rikthehen në normalitet platformat e Facebook. Një zëdhënës i kompanisë Facebook u shpreh se: Ne jemi të vetëdijshëm se disa njerëz kanë probleme me qasjen në aplikacionet tona. Ne po punojmë për t’i kthyer gjërat në normalitet sa më shpejt që të jetë e mundur, dhe kërkojmë falje për çdo shqetësim. Po punojmë, na jepni dhe pak kohë.
Disa orë, dy anëtarë të ekipit të tij të sigurisë, të cilët folën në kushte anonimiteti për “NYTIMES” sepse nuk ishin të autorizuar të flisnin publikisht, thanë se nuk ka gjasa që të ketë ndodhur ndonjë sulm kibernetik sepse një hakim nuk kishte gjasa të prekte kaq shumë aplikacione në të njëjtën kohë. Edhe kësaj here, ata kanë bërë me faj “një konfigurim i gabuar i kompjuterëve të serverëve të Facebook”, që nuk i lejonte njerëzit të lidheshin me faqet e tij si Instagram dhe ËhatsApp. Edhe pse po punojnë për të rregulluar problemin, ende nuk ka një afat kur do të rregullohet gjithçka. Në vitin 2019, kur një ndodhi një episod i ngjashëm, rrjeti u bllokua për më shumë se 24 orë, skenar që mund të përsëritet. Ndërsa vetëm pak muaj më parë, në qershor, bllokimi ndodhi vetëm për disa orë.