Denoncimi i drejtuesit të departamentit për mbrojtjen e Mjedisit në Partinë Demokratike, njëherazi dhëndër i ish-kryeministrit Sali Berisha, Jamarbër Malltezi është kthyer në “mollë sherri” mes demokratëve dhe socialistëve në këto ditë të nxehta gushti. Shkak është bërë një denoncim i Malltezit për një shtëllungë tymi në qytetin e Durrësit në orët e para të paradites.
Sipas Malltezit, socialistët nuk promovojnë durrsakët por iu japin poste personave të lidhur me PS-në.
Ai akuzon direkt vëllain e deputetit socialist Pjerin Ndreu, se është zgjedhur nga socialistët në krye të kapitenerisë për shkak të lidhjeve me të vëllain deputet.
Durres, 17 Gusht 2018. Falimenton felliqesira qe na e quajne shtet!!!
Ku eshte inspektoriati shteteror i mjedisit? Ku eshte agjensia e bregdetit? Ku eshte kapiteneria e portit? Ku jane emergjencat civile? Ku agjensia turizmit? Klosi u be dy here deputet ne Durres, por cilin qytetar Durrsak promovoi? Asnje. Vec ish kreut te ps Durres Konomi qe ishte shef dogane per 3 muaj dhe e hoqen se kish dore te rende. Ky e fiton konkursin si profesionist!
Kapitenerine e portit e perlan vellai i deputetit te ps Ndreu nga Mirdita. Ky e fitoi konkursin? Nuk kishte asnje profesionist detar nga Durresi? Nuk kishte asnje profesionist tjeter pervec atij qe ka vellain deputet? Ketu eshte kalbur kripa.
Jamarbër Malltezi, drejtues i departamentit të Mjedisit në PD
Fotoja e postuar nga Malltezi
Përgjigjen s’ia ka vonuar deputeti socialist, Pjerin Ndreu, që në një status në Facebook, shkruan se kapiteneria e Durrësit nuk merret me zjarret. Ndreu i thotë Malltezit se ky i fundit ka uzurpuar vendin në Partinë Demokratike si dhëndër, e jo si politikan, ndërsa sipas tij, i vëllai ka përfunduar shkollën e Marinës.
Përgjigja e plotë:
O dhenderrushi budalla i Saliut qe ti hane kumbullat te tjeret e ty te mpihen dhembet ! Kapiteneria nuk merret me zjarret ne toke o bo….e ! Pastaj drejtori qe thu ti nuk e ka uzurpu postin se nuk e ka pase vjehrrin kryeminister, por ka mbaru Akademine e Marines ne Vlore o dhenderrush i vobekte ! Pastaj ku e ke te shkruar ti qe te jesh nga Mirdita, Puka apo Tropoja nuk duhet te jesh drejtor ?! Kujdes se po te rrah vjehrri me keto budalleqe qe thu ! Te fala tyt eti se eshte burre, po ty duket se ti ka helmu trute doktori e nuk di ca thu !