Ditën e djeshme në Firence të Italisë është zhvilluar konferenca vjetore “State of the Union”, e organizuar nga Instituti i Universitetit Evropian.
Në këtë konferencë të pranishëm ishin edhe kryeministri Edi Rama dhe eurodeputeti i Parlamentit Europian, David McAllister.
Temë e konferencës ishte integrimi i vendeve të Ballkanit Perëndimor në Bashkimin Evropian, por edhe vështirësitë e sfidat, që po e mbajnë ende në ngërç këtë proces.
Sakaq, Instituti i Universitetit Europian, e cila ishte dhe organizatorja e konferencës, kishte bërë një sondazh, në lidhje se cila nga vendet e Ballkanit Perëndimor duhej të anëtarësohej së shpejti në BE.
54% e të pjesëmarrësve në sondazh, kanë votuar që Shqipëria duhet të jetë shteti i radhës që përfshihet në BE, më pas vjen Maqedonia e Veriut me 23% dhe Serbia me 0%.