Vajza e aktorëve të mëdhenj shqiptarë Agim ShukE dhe Mirketa Çobaniot ka qenë së fundmi e ftuar në ABC Neës, ku ka rrënqethur me rrëfimin për fëmijërinë, ndarjen e prindërve dhe traumat e divorcit të tyre.
Ajo u shpreh se e ka përjetuar shumë divorcin e prindërve pasi e ka marrë personale ndarjen e tyre, teksa rrëfeu se pengu i saj është që kurrë nuk arriti të kishte një marrëdhënie të brendshme me të.
“Divorcin e prindërve të mi e kam vuajtur jashtëzakonisht shumë. Kam qenë shumë e vogël, vetëm 9-muajshe. Ishin dy të rinj të ‘Arteve’, por mendoj se jam produkt i një dashurie të re, të papjekur të dy aktorëve që rolin e dy bashkëshortëve në jetë nuk arritën ta bënin dot.
Kam qenë si hije, si ‘backstage’, pasi e kam marrë personale ndarjen e tyre. Edhe tani e ndjej po aq fuqishëm atë dhimbje, pasi e di se çfarë përvoja të shëmtuara ka pasur nëna ime me tim atë.
Unë jam vajza e Agim Shukës dhe Mirketa Çobanit. Në fillim kur takoja babin qaja, pastaj mami vendosi që të mos më çonte ta takoja më. Pastaj vinte babi, por unë nuk kisha një lidhje të brendshme me të. Ishte një lidhje që nuk arrita t’i jepja jetë.
Pas vdekjes së tij kam takuar njerëz për të lidhur ato zinxhirë të zgjidhur, megjithatë nuk arrita kurrë ta njihja dhe kjo është një peng i imi.
Ishte pikërisht botëkuptimi tyre fetar që çoi ndarjen e tyre. Gjyshja nga ana e babit ishte ortodokse dhe nuk dha kurrë bekim për lidhjen e mamit dhe babit.
Aludohet për një tradhti jashtëmartesore që i vuri kapakun. Sa më shumë jetonin bashkë, aq më shumë kuptonin se nuk kishin gjëra që i lidhnin, përveç një fëmijë“, u shpreh ajo.
Gjatë bisedës, ajo rrëfeu dhe traumat, ku tani edhe pse e martuar ka vendosur që të mos ketë fëmijë. “Unë dhe bashkëshorti im jemi njohur në Tiranë, ai ka pranuar dëshirën time për të mos pasur fëmijë. Në fillim, ai nuk e ka pritur mirë dhe mua më duket vetja si egoiste që ta privoj nga të pasurit një fëmijë”, tha ajo.