Dashuria 12-vjeçare e artistëve Marina Abramovic dhe Ulay-t përfundoi në bashkëpunimin e tyre artistik me një lloj arti që nuk është parë asnjëherë. U quajt “ Të dashurit: Ecja e Murit të Madh”, në të cilin vendosen të bëjnë një udhëtim spiritual që t`i jepnin fund dashurisë së tyre.
Secili prej tyre, u nisën nga dy kahet e kundërta të Murit të Madh Kinez dhe u takuan në mes. Aty i dhanë fund lidhjes së tyre.
Por në vitin 2010, për herë të parë ata u takuan në një takim që Marina nuk e priste dhe nuk ishte në dijeni. Në një nga seancat e saj artistike, ku ajo ulet përballë adhuruesve të artit të saj, shfaqet ai: ish i dashuri Ulay.
Kjo konsiderohet dhe si një nga videot më emocionuese mes dy ish-të dashurve, të cilët pa folur asnjë fjalë, dhurojnë shumë emocion. Marina përlotet dhe shtrëngon duart e Ulay duke ofruar kështu një nga momentet më të bukura të tyre.
Pas atij takimi u përfol shumë për një ribashkim të tyre dhe ndodhi vërtetë. Në maj të 2018-ës doli lajmi që ata të dy janë bërë bashkë për të shkruajtur një libër për 12 vitet e dashurisë që kanë kaluar bashkë.
