Kreu i Lëvizjes Kombëtare për Zhvillim, Dashamir Shehi i ftuar në emisionin Zona Zero, foli mbi zhvillimet brenda së djathtës, ku padyshim Foltorja e Berishës ka shkaktuar një lëvizje që mund të vendosë në dyshim të ardhmen e së djathtës.
“Foltorja është një tentativë për të rikuperuar edhe Berisha vetë është një pozicion ndryshe brenda politikës. Është një luftë për pushtet, në radhë të parë, por edhe ajo ka rregullat e parimet e veta. Kush do të kontrollojë PD-në, një nga komponentët kryesorë të opozitës.
Ka sjellë diçka pozitive se për herë të parë po diskutohet në PD, që para 25 vitesh përpara ka pasur diskutime deri më sot nuk ka pasur për tema të mëdha politike, për një pjesë gjërash politike. Kjo tregoi se vetë Berisha i ka mbyllur, ditën që iu desh e hapi ai. Është një lloj gënjeshtre, po është sa të duash. Mund ta marrim se nga kjo do të dalë pozitive”, tha Shehi.
Më pasi ai theksoi se nuk i bashkohet debatit politik të Foltores, pasi nuk sheh se niveli i tij është aty ku duhet pasi po shkon në përplasje personale. Ndërsa ka renditur dhe gabimet e Bashës që duhen analizuar.
“Negativja e këtij debati? Debati nuk është i gjithi në rrafshin politik e disa nga temat që janë bashkëfajtorë të dy ber e bash bëjnë si kur i harrojnë. Tema e parë fillon në 2014, 2015 pse u larguam nga reforma territoriale-administrative? Pse nuk e dimë akoma ende? Nuk e di duhet të pyesim Bashën, i lamë dorë të lirë Edi Ramës bëri siç donte qejfi. Ky është debati që duhet bërë, real politik.
Debati dytë pse ka qenë ky hezitim i vazhdueshëm për reformën në drejtësi, cili na bëri që ato aleaten më mirë SHBA, të na shohin me dyshim, e për herë të parë ato kanë qenë më pranë të majtës se sa të djathtës. Kjo është për fajin tonë, të opozitës, e jo tonin, e në radhë të parë të dy individë, që janë Berisha e Basha. Nuk rrihet kjo nëpër foltore.
Në 2017, Europa na ofroi një zgjidhje të mira për problemin e çadrës një shtyrje të zgjedhjeve, i cili i ulte kokën PS-së, vinte nga miqtë tanë më të mirë, e pas dy javëve arrijmë në presionin tjetër të zgjedhjeve, të përtej SHBA. As shtyrje zgjedhjesh nuk pati, se si u bitis ajo formula, brenda natës, (17 majin), saqë i trishtoi njerëzit e së djathtës që nuk shkoi të votojë.
Më dramatike e tragjike, dolëm nga Parlamenti, pse dolën, qysh e tek? E Po vendos këto gabimet e Bashës, lufta kundër kundërshtarëve njerëzve, listat që i bën ky, sipas qejfit, dalja vetëm në fushatë, imitimi i Ramës, mënyra populiste, Por unë gjykoj se janë të dorës së dytë. E kanë lënë në vend të ulët nivelin e meritokracisë”, tha Shehi.
Gjëja e mirë kësaj foltoreje, sipas Shehit lidhet me faktin se debati brenda PD-së nuk ka nisur në periudha zgjedhjesh, duke shtuar se kjo përplasje mer fund në muajin dhjetor. “Do t’i bashkohesha Debatit politik të Foltores në vend të që të ngjitet në nivelin politik po zbret në nivelin personal. Nëse përdoret për të përdorur e goditur dikë, unë jam kundër foltores dhe të dyve, e unë jam për bashkimin e madh të së djathtës”, tha ai.