Në Shqipëri, ekziston një bankier i cili për fatin e tij të keq, mban frymën gjallë duke u paguar vetëm me rrogën minimale të njohur nga ligji.
Ky është bashkëshorti i Jorida Tabakut, kryetar i bordit drejtues të Bankës Credins.
Një fakt i tillë është zbuluar nga verifikimi i deklaratës së pasurisë së deputetes demokrate, të depozituar në ILDKPI.
Sipas këtij deklarate, në vitin 2015, Sajmir Sallaku ka përfituar vetëm 2 450 euro, rreth 250 mijë lekë të vjetra në muaj, nga aktiviteti i tij si kryetar bordi në “Credins”.
Ndërkohë, një vit më vonë, bashkëshorti arriti të siguronte një pagë modeste, pasi fitoi 4 250 euro nga puna në “Credins”, përsëri e konvertuar, diçka më pak se 500 mijë lekë në muaj.
Sallaku, pa dyshim ka edhe të ardhura të tjera, të cilat “shëndoshin” buxhetin familjar, por në bazë të deklaratës së pasurisë së bashkëshortes, ai do të hyjë në historinë e rekordeve si bankieri më i keqpaguar i të gjithë botës.
Në rastin e Sallakut, për çudi, puna si bankier në vitin 2015 shpërblen po aq sa puna e një pastruese të paguar më pagën minimale, ndërsa vitin e kaluar, paga e tij si bankier është gjithsesi më e ulët se paga e një kamarieri apo një punonjësi call-center në Tiranë./Lexo.al
