Sali Berisha ka folur në konferencën e sotme për tragjedinë e 21 janarit, ku mbetën të vdekur katër persona. I pyetur për rolin e Bashës në atë ditë, ish-kryeministri i asaj kohe, Berisha tha se Basha nuk ishte as komandat Garde dhe as drejtor Policie, ndaj sipas Berishës ai nuk ka luajtur ndonjë rol në gjithë tragjedinë që ndodhi.
“Sa i takon ministrit të Brendshëm, në këtë rast gjykoj se policia e shtetit nga ajo ngjarje ka dalë e lavdëruar, por ministri nuk ishte as komandat Garde e as srejtor Policie. Nuk mund të them se ka pasur një rol konkret në zhvillimet e saj dite”, tha Berisha pa ia zënë fare në gojë emrin Bashës, po duke iu referuar thjesht si ministri asaj kohe.
Më tej Berisha i qëndroi besnik versionit të tij shpifës të demaskuar, se 21 jaanri ishte një puç i organizuar nga Edi Rama, i cili ishte inciuesi i dhunës dhe plumbave që ju drejtuan kryeministrit në zyrën e tij, teksa ky i fundit ishte duke punuar.
“21 janari është akt anti-kushtetues i Edi Ramës dhe grupit të tij. Ka një deklaratë të OSBE-së në atë kohë në të cilin shprehen qartë intencionet për pushtet të atij puçi, të atij puçi.
21 janari ka zhvillim dramatik, ku mbetën të vrarë 4 persona të sjellë të gjithë nga Edi Rama me qëllim për të rrëzuar Berishën dhe pushtuar kryeministrinë dhe u përdorën të gjitha mjetet e dhunës përfshi armët e zjarrit dhe plumbat në zyrën e kryeministrit që ai po punonte aty.
Është bërë një hetim i plotë. Kam qenë unë që kam kërkuar hetim ndërkombëtar për problemin dhe e keni në të gjitha mediat. Kishte problematikë ajo, jo nga unë dhe është bërë një hetim. Asnjë vrasje dhe plagosje nuk është bërë nga policia, ato janë bërë nga gardistët në zbatim të ligjit të tyre. Ligji i gardës ka përcaktimet e veta, garda nuk funksionon me urdhër po me ligj”, tha Berisha.