Ka humbur jetën nga Covid-19 mësuesi i matematikës në Medresenë e Shkodrës, “Haxhi Sheh Shamia”.
Prej disa ditësh, i ndjeri Gazjon Rusi ndodhej në gjendje të rëndë i intubuar në spitalin Covid-2 në Tiranë. Vetëm pasi u infektua me Covid-19, babai i 3 fëmijëve, u ekzaminua me astmë të fshehtë.
Rusi ishte infektuar prej ditësh nga COVID-19, dhe në orët e fundit kishte kaluar në intubim.
Prej ditësh në rrjetet sociale ishte ndërmarrë një iniciativë për të mbledhur një shumë financiare prej 55 mijë eurosh të cilat do të ndihmonin për ta dërguar babain e tre fëmijëve në Turqi.
Deri në orët e vona të mbrëmjes së djeshme ishte mbledhur shuma prej 37 mijë eurosh dhe sot ishin shpresat që shuma prej 55 mijë euro të plotësohej, por 39 vjeçari nuk mundi të mbijetonte.