Në 26 dhjetor 2024, drejtuesi politik i PD për Qarkun e Tiranës, Belind Këlliçi u thirr në SPAK në kuadër të një hetimi për falsifikimin e diplomës së shkollës së mesme, deklarim të rremë në formularin e vetëdeklarimit dhe mosdeklarim pasurie. Belo doli i zverdhur dhe i nervozuar nga SPAK. Hetimet po ndiqen nga prokurori Elvin Gogaj.
Tre muaj më vonë, burime jo zyrtare thanë se në SPAK ishte thirrur edhe Lolita, personazhi misterioz i rrjeteve sociale, e skeduar për lidhje dhe financime të dyshimta nga opozita, që ysht dhe u këndon disa prokurorëve të SPAK. Sipas burimeve jo zyrtare Lolita ka hyrë dhe ka dalë nga SPAK me syze dhe kapele për të mos u identifikuar dhe pikasur nga gazetarët, të cilët qëndrojnë para SPAK-ut, syrit të mprehtë të të cilit vështirë t’i shpëtojë edhe miza.
Besohet se Lolita është thirrur në kuadër të hetimeve për Belind Këlliçin, i cili dyshohet se e ka mbuluar me dollarë personazhin e rrjeteve sociale në këmbim të mbështetjes mediatike. Sipas një burimi në dijeni të hetimeve, Lolita ka përfituar jo vetëm para, por edhe një apartament luksoz dhe një automjet të shtrenjtë, pasuri të cilat nuk përputhen me të ardhurat e saj. Dyshimet thellohen në kushtet kur Këlliçi, i njohur si Belo Ezmeri, i papunë që nga viti 2023, ka bërë një fushatë të shtrenjtë në SHBA për t’i hequr nongratën Doktorit, ku përfshihet edhe një foto me Trump, e cila sipas aktivistes Evi Kokalari ka kushtuar 25 mijë USD, ndonëse Belo pretendon se nuk ka paguar para.
Lolita, me qasje pro opozitës, mund të jetë edhe çelësi i mekanizmit okult të PD për blerjen e mbështetjes mediatike me para që nuk u dihet burimi, ndonëse PD akuzon Edi Ramën dhe Erion Veliajn për përdorimin e resurseve të pushtetit për të siguruar mbështetje mediatike.
Lolita, e cila ka nisur të bëjë një jetë luksoze që përkon me kohën e mbështetjes ndaj PD dhe veçanërisht Belos, ysht disa prokurorë të SPAK-ut, u thur vjerësha dhe dyshohet se ndikon mbi hetues të caktuar përmes magjisë. Ashtu si Petraka i këndonte dhe himnizoi Laurën, protagonisit i zjarrit të vjershjave të Lolitës, muajt e fundit, ka qenë prokurori Ols Dado, i cili goditi Erion Veliaj, madje edhe duke e përgjuar në qeli. Dihet se Veliaj mundi Belon me 60 mijë vota në Tiranë.
Në këto rrethana, duket se nuk është rastësi që dhe pse i thirruri duhet të merret në pyetje nga prokurorët e çështjes dhe grupin e hetuesve me të cilët punon, kur Lolita është futur në SPAK, ka pasur kërshëri nga disa prokurorë dhe përpjekje për t’a marrë në pyetje. Nisur nga këto zhvillime ngrihen dyshime të forta që Lolita jo vetëm nuk ka rrëfyer lëvizjet financiare të Belos, por përkundrazi, mund të ndikojë që dosja e Belos të harrohet dhe të mbyllet. Teksa SPAK ka mbushur burgjet me socialistë, sot asnjë përfaqësues i PD nuk është në qeli. Edhe dhëndri i Berishës dhe Erzen Breçani bënë disa javë burg dhe u liruan më pas nga qelitë. Nga ana tjetër, Fatmir Mediu, i cili po gjykohet për Gërdecin, sa herë thirret në gjyq, shfaqet në SHBA, duke bërë foto me ndonjë senator.