Kreu i Partisë Konservatore, Kujtim Gjuzi, ka folur për lirimin nga b.urgu, të “gjeneralit” Nehat Kulla. I kontaktuar nga CNA.al, Gjuzi u shpreh se ka një lidhje miqësie të herëshme gati 30 vjeçare me këtë të fundit, ndërsa theksoi se shumë shpejt do të ketë dhe një vizitë në shtëpinë e tij.
“Me Nehat Kullën ne kemi krushqi. Dhe me të drejtën zakonore në komunikojmë më njëri- tjetrin. Nehat Kullën, e takova në b.urgun e Fushë-Krujës, sepse doja të shikoja se si funksiononte regjimi i b.urgut.
Meqenëse Nehat Kulla ishte i shtruar në spital, dhe duke iu referuar të drejtës zakonore që funksionon tek unë si individ, jo si deputet, pasi si deputet funksionoj mbi bazën e ligjit dhe ligjëvënies, më duhet që ta kontaktoja atë sepse ishte i shtruar në spital. Dhe për këtë unë i uroj shërim të shpejt.
Por unë ju garantoj një gjë. Unë do të kem një vizitë në shtëpinë e Nehat Kullës për të biseduar shumë gjëra që kanë kaluar dhe mbeten të kaluara dhe kurrë më s’do doja ta shikoja kështu Nehatin.
Është e vërtetë që kemi miqësi të hershme rreth 30 vite, që kur ishim të rinj, kuptohet që në kohën e diktaturës ishim rebelë në një farë mënyre, por rrugët në momente të caktuara ndahen por ato mund të bashkohen vetëm në një pikë që është levizja jonë kombëtare, dhe prandaj Partia Konservatore ka këtë emër, që i ka qejfë trojet të lira. Shumë mirë që Nehat Kulla është sot i lire”, theksoi Gjuzi.