Komisioni i Ekonomisë është përfshirë në debate të ashpra për çështjen “Xhafaj”. Deputeti Flamur Noka ka replikuar ashpër me socialistin Braçe, ndërsa ka paralajmëruar publikimin e një përgjimi tjetër në lidhje me vëllain e ministrit Xhafaj.
Noka: Përgjimi porovon se Agron Xhafaj trafikonte drogë. Largimi i Agron Xhafajt ishte lëvizje dinake, për t’u hedhur hi syve njerëzve. Nëse nuk rrëzojmë ministrin, rrëzojmë kryeministrin. Agron Xhafajn duhet ta përfshinte ligjin anti-mafia.
Braçe: Zoti Noka, kërcënimet në një demokraci kushtetuese janë të tepërta. Nëse doni ta merrni pushtetin me dhunë si në 26 maj 1996 merreni, këtu jemi, bujrum. E keni provuar edhe më parë dhe e keni lëshuar qetësisht.
Noka: Po mbroni me forcën e kartonave një person të përfshirë në trafikun e drogës. Me këtë arrogancë që i drejtoheni shqiptarëve shumë shpejt do thyeni qafën.
Spaho: E kemi trim, e ka zgjedhur Kavaja, thatë për Elvis Rroshin. Kështu thatë edhe për Saimir Tahirin, duhet të ishte në burg. Kështu thatë edhe për Arben Ndokën. Ju mund të qeshni por kur Rama shkon në Bundestag nuk qeshi. Ia futën të dyja këmbët në një atlete. Ju kanë vënë dy kushte. Këtë thanë deputetët holandezë. Këtë tha presidenti francez, Macron. Këto iu thanë Ramës në Sofje.