Të dashur miq!
Sot pashë lajmin se Luli ka blerë Benz të ri dhe atë që kishte ia ka dhënë në përdorim Gaz Bardhit.
Kjo histori duhet sqaruar mire, pasi do të na hapni telashe të reja.
Siç ka botuar shtypi, Benzi i Lulit është blerë në Gjermani nga pronari i një kampanie, “Victoria Invest”.
Pasi e ka blerë, ai ia ka dhënë Lulit në përdorim.
Meqë u përfol shumë, atëherë u ndryshuan letrat dhe u bë pronar Benzi një kompani që shet makina, por Benzi i ngeli prapë Lulit.
Pra që nga dita e parë që ka hyrë në Shqipëri, ai Benz ka shofer, shoferin e Lulit dhe pasagjerë Lulin.
Kjo histori ka dhjetë vjet.
Tani me lajmin e ri që ky Benz i kalon Gaz Bardhit, duhet të bëjmë kujdes.
A do të bëhen prapë letrat sikur e ka marrë me qira në përdorim nga kjo firma, apo do bëhet shitje direkt?
Kjo duhet sqaruar, pasi mund të ngjallen xhelozi në parti, pse Luli ja jep gjërat personale Gaz Bardhit.
Për këtë, duhet sqaruar se makina vazhdon të jetë me qira formalisht dhe pronari i “Victoria Invest” nuk ka lidhje me Gaz Bardhin, por vetëm me Lulin.
Kjo duhet bërë për të mirë të punës brenda opozitës, pasi nuk duhet të fillonë përçarjet dhe xhelozitë.
Ky virus mund të shtrihet dhe në partitë e tjera dhe pastaj Tit Vasili do kërkojë makinën e Ilir Metës, ose Ed Paloka makinën e Gon Dukës, meqë e ka në një qark në Durrës.
Për këtë arsye duhet transparencë dhe maturi në lajme të tilla.
Se kemi dhjetë vjet që mezi justifikojmë pse Luli mban makinën e një biznesmeni që merr tendera nga Luli dhe nga Rama, për llogari të Lulit.
Tani s’kemi ndërmend të shtyjmë dhe dhjetë vjet të tjera që të marrë tendera se i ka dhënë makinën Gazit.