Qeveria e Albin Kurtit ua ka ndërprerë pensionin e luftës gjithë vullnetarëve nga Shqipëria që shkuan të luftojnë në Kosovë.
Luftëtarët vullnetarë të Shqipërisë kanë dy muaj që nuk e marrin më atë pension.
Shoqata e veteranëve të luftës së Kosovës në Shqipëri ka protestuar ndaj kësaj padrejtësie.
Bilushi i Metës në një reagim të tij e gjen me vend këtë vendim të Kurtit:
“I dashur Albin!
Me gëzim të madh mësova se ju iu keni hequr pensionin e luftës gjithë vullnetarëve nga Shqipëria që luftuan në Kosovë.
Ky është një vendim shumë i drejtë dhe largpamës.
Sikundër mund ta dini, gjithë ata që luftuan nga Shqipëria, në shumice ishin njerëz të lidhur me Partinë Socialiste dhe kanë shkuar aty për të spiunuar UÇK tek Serbia, pasi ti e di që socialistët janë të lidhur me Serbinë.
Edhe disa zyrtarë të lartë si Sabit Brokaj, Fatos Klosi etj, që bënin sikur ndihmonin UÇK, e bënin për llogari të Serbisë, që ata të thoshin ja si po përzihet Shqipëria.
Vetëm Ilir Meta ka mbajt qëndrim të pastër në atë kohë dhe nuk ka bashkëpunuar, se e dinte që ishte kurth.
Mezi e kam pritur këtë ditë që Kosova të vendosë drejtësi dhe t’ua heqë spaletat këtyre luftëtarëve nga Shqipëria, që me dy muaj luftë duan të marrin pension gjithë jetën.
Kjo është dhe një paralajmërim që Shqipëria të mos përzihet në punë të Kosovës herë tjetër.
Dhe nëse nis lufta, Albin Kurti e përballon i vetëm, se është Gjergj Elez Alia i kombit shqiptar”.