Tentativa e dëshpëruar e Besjan Peshës, për të pastruar figurën e tij, qysh kur i dhimbsen interesat “e qytetarëve”, mu duk tamam si një thirrje për ndihmë, për sojin e racës së tij, që edhe pse tenton paturpësisht të duket si “ëngjëll”… ne jemi të detyruar të numërojmë mëkatet e tij… një më një.
Besjan Pesha, i cili ka mbajtur disa herë poste publike, kulmin e “karrierës” e arriti kur u vendos në krye të Agjencisë Kombëtare të Burimeve Natyrore, por që u largua me “ceremoni”, për vjedhje të rënda në kohën kur drejtonte AKBN-ën, post të cilin e mbajti me nder, derisa kryetari asokohe i LSI e pikasi në vitin 2012 duke bërë afera milionëshe me naftën e jugut dhe gjobat e vëna në minierat e kromit në veri, prapa krahëve të tij!
Pas botimit të një artikulli nga Tellalli.al, botuesi i të cilës është gazetari Anri Bala, Besjani që peshon me vjedhje u “trimërua” dhe hodhi në gjyq gazetën, ose më saktë botuesin e saj, prej të cilit kërkon dëm pasuror për prishje të imazhit. Edhe pse ky njeri është denoncuar disa herë publikisht, për të njëjtat akuza por edhe të tjera, për të njëjtat poste zyrtare që ka mbajtur, ai kurrë nuk ka dashur t’ia dijë, por me sa duket me direktivat që merr nga partia e vjetër, të cilës edhe sot i ka një borxh të madh… që nuk e degdisi në burg, e ndjeu si detyrim të bëj një padi. Kjo padi e ngritur prej tij, pretendon t’i mbyll gojën medias së lirë, duke e kërcënuar gazetarin dhe portalin e tij, se faktet e paraqitura janë të rreme dhe çështja është ende në gjykim.
Me keqardhje të madhe, më duhet t’i themi zotit Hajdut, se gazeta as nuk tutet fare për presionet e bëra prej tij dhe partisë së tij! Gazeta ndaloi së shkruari për Besjan Peshën, për respekt të statusit gjyqësor dhe çështjes në gjykim, por jo nga frika e padisë të depozituar prej tij. Por sot, kur ky njeri kërkon të pastrojë imazhin e tij, duke kërcënuar mediat me gjyqe dhe çdo person që e akuzon drejtpërdrejtë, si në rastin e emisionit “Opinion”, kur biznesmeni Besnik Sulaj pranoi se zoti Hajdut i rehabilituar, i kishte kërkuar një mikut të tij 200 mijë euro kur drejtonte AKBN, ne ndjejmë detyrimin të sqarojmë njëherë e mirë publikun, sepse e shohim të papranueshme sjelljen e tij!
Ditën e sotme përmes një statusi në rrjetin social facebook, zoti Hajdut ka reaguar përmes një Vërtetimi të Gjendjes Gjyqësore, se është i rehabilituar, paçka se ai e shet këtë dokument si të padënuar… ndërsa avokati i tij, në seancat gjyqësore, vendimin e dënimit e paraqet si një “pakujdesi e bërë në moshë të re”!
Tellalli, sot do t’iu paraqes vendimin e dënimit me burg të shtetasit Besjan Pesha, i cili ofendohet kur e thërret hajdut, por që në fakt titullin “e lartë”… i’a ka dhënë gjykata!
Por, për interes të lexuesit, e kemi detyrim të sqarojmë, se në vazhdën e gjyqit me gazetën dhe botuesin e saj, Besjani kërkon dëmin pasuror, se pasi lexoi lajmin e botuar, u ndje aq i ofenduar, sa u trondit psikologjikisht dhe tashmë kërkon një psikolog, që të vërtetoj gjendjen e tij mendore… Pra Besjani, përveçse hajdut i dënuar me vendim gjykate, kërkon të vërtetojë se është edhe i çmendur!
Pra, edhe hajdut…. edhe i çmendur… edhe kërkon të drejtoj shoqërinë, duke i shitur me maskën e “ëngjëllit”, i veshur me një palë atlete të nxira dhe të grisura, lëvizjet me biçikletë, se është një person që ka moral të lartë shoqëror dhe i “varfri”, qarkullon pa asnjë kacidhe në xhep!
Për këto të tjerat, nuk është ky momenti dhe rasti për t’ia ballafaquar me zotin Hajdut, por që nuk është e largët dita, që do t’ia vendosim në dispozicion publikut dhe lexuesit tonë, si detyrim moral dhe profesional.
Fotot e publikuar më poshtë, janë të vendimit të dënimit me burg të shtetasit Besjan Pesha, si hajdut aparatësh fotografik, në pronësi të shokur të tij, i dënuar me burg nga Gjykata e Gjirokastrës. Meqë Besjani kërkon të intimidojë median dhe hiqet sikur është i kërcënuar prej saj, për të qenë transparent me lexuesin, bashkëpuntorët dhe miqtë e tij, por edhe me veten, po publikojmë vendimin, se titullin hajdut, zotërisë nuk ja kemi vënë ne, as mediat e tjera, as miqtë… por gjykata që provoi fajësinë e tij./Tellalli.al
