Deklarimet e fundit politike të presidentit kosovarë Hashim Thaçi, për shkëmbim territoresh me Serbinë, e që nga një shumicë absolute po konsiderohen si lojëra politike, kanë ngjallur reagime të shumta.Shumica po e kundërshtojnë Thaçin, që po luan një lojë të rrezikshme e që mund ta dëmtojë interesin dhe shtetësinë e Kosovës.
Sidomos deklaratat e sotme të Thaçit dhe akuzat e rënda që ai i drejtoj nga ish kryeministri shqiptar Sali Berisha, kanë bërë që të ketë reagime të shumta kundër tij në rrjetet sociale.
Kjo madje ka dërguar edhe deri tek iniciativa që Thaçi të shpallet person “non grata” ose person i pa dëshiruar.Është një gazetar nga Kuksi me emrin Isa Myzyraj, ai që ka nisur këtë iniciative, duke thënë se akuzat e Thaçit nuk janë vetëm ndaj Sali Berishës por ndaj njerëzve më me ndikim në jetën politike pothuaj vjeçare në vendin tonë. Ai ka thënë se akuzat e presidentit të Kosovës, janë të rënda, fyese dhe jo të mirëartikuluara.
Ky është shkrimi i plotë i tij.
Ta shpallim Hashim Thaçin “non grata”Në fakt në thelb akuzat nuk janë kundër personit të Sali Berishës, por janë dhe kanë karakter më gjithëpërfshirës, akuzat e tij të forta janë drejtuar një prej njerëzve më me ndikim në jetën politike pothuaj vjeçare në vendin tonë.U pëlqej ose jo disave, Berisha ka qenë President dhe kryeministër i Shqipërisë në periudhat më të vështira, kur ekzistenca e këtij shteti ishte në pikëpyetje ( se kush ishin shkaktarët, do diskutim) dhe akuzat e Presidentit të Kosovës, janë të rënda, fyese dhe jo të mirëartikuluara.Akuzat e tilla, pa dashur të bëj avokati ne djallit, se nuk më ka ngelur mua ta bëj këtë, dëmtojnë rëndë marrëdhëniet vëllazërore Kosovë-Shqipëri, dhe vijnë në pikëpyetje të madhe shumëçka që Shqipëria ka bërë, nuk vijnë në pikëpyetje pozitën e Sali Berishës, por pozitën e shtetit Shqiptar. Prandaj, mendoj dhe gjykoj se Hashim Thaçi duhet të shpallet “non grata” në Shqipëri derisa ose të sqaroj me fakte dhe prova akuzat, ose të kërkojë falje.Edhe një herë, jo për Sali Berishën, por për shtetin shqiptar dhe institucionet e këtij vendi.