Gazetari Frrok Çupi e cilëson nismën e PD-së për vetting në politikë si një nismë që synon krijimin e një shteti informal. Sipas Çupit, kjo nismë synon të krijojë 3 shtete, si “shtetin e Bashës, shtetin e Berishës dhe shtetin e Ramës”.
“Kjo nuk synon formimin e shtetit si nismë, është si një ndërtim pa leje, kemi pasur iniciativa që kemi deformuar shtetin, e kjo na ka çuar në kriza të mëdha. Na çon në deflamacione të mëdha. Po dëgjoj zëra se Basha kërkon të ndëshkojë Berishën, por për mua nuk qëndron, pasi Berisha nuk ekziston, ka vdekur politikisht me vendimin e Amerikës.
Zëra të tjerë, Berisha po e kundërshton se ka frikë se i hetojnë për të dhe njerëzit e tij. Atë po e mbështesin njerëzit e korruptuar, një zinxhir i të korruptuarve. E ndaj po bëjmë një luftë shumë të madhe. Lufta e Bashës është e paprinciptë”, tha Çupi.