SHBA-BE kanë kërkuar arrestimin e Ilir Metës dhe Sali Berishës, por këtë kërkesë do ta realizojnë përmes Byrosë Kombëtare të Hetimit dhe Prokurorisë së Posaçme. Të dy këta emra janë të ekspozuar në korrupsion dhe krim, pasi klani i tyre është shumë i madh, ndonëse ka filluar të marrë goditjet e para nga Vettingu.
Sali Berisha ka një bilanc skandalesh, vrasjesh, videosh seksuale dhe korrupsioni, përvetësimi i pasurive publike, sulmesh denigruese ndaj drejtësisë, uzurpim i institucioneve të pavarura, vjedhje e hapur me tenderë, mungesa e transparencës dhe korrupsioni qeveritar. Nisi me firmat piramidale. Vazhdoi me trafiqet naftës e armëve me Serbinë. Vazhdoi me rrëmbim e zhdukje biznesmenësh.
Krimet e korrupsioni quheshin normë zyrtare e privilegj familjar i kupolës “Berisha”. Shpërthimin tragjik i Gërdecit mbetet njolla më e zezë, ku korrupsioni shtetëror u mori jetën 26 personave dhe plagosi rreth 300 të tjerë. Sali Berisha është, ka mbetur tashmë dhe do të fiksohet në historinë e Shqipërisë, si i vetmi ndër shtetarët dhe politikanët, “mostër” antishqiptarë .
Ai duhej të mbyllej brenda e të mos dilte as “në dritare”, por të ulej në gjunjë e lutej për mëkatet, por ai nuk njeh as mëshirë e as pendim.
Përballë tij Ilir Meta i akuzuar për vrasje, shantazh, vjedhje e thesarit. Me vilë në Lalz, me pallat pesëkatësh në Tiranë-Bllok, pallat te Kodra e Diellit, resortet turistike në Shqipëri dhe jashtë vendit, kompani fason të inerteve, mermerit, kromit apo dhe të ndërtimit në Shqipëri dhe shumë vende të botës, llogari në Maltë, Qipro, Angli dhe zonat offshore.
A mund të justifikohen të gjitha këto vetëm me pagën e tij dhe të bashkëshortes?!
Ndaj nuk do shumë gjykim pse dyshja janë kundër reformës në drejtësi dhe pse po bëjnë çfarë është e mundur për bllokimin e saj. E në gjithë këtë luftë që nuk do t’i çojë asgjëkundi dy ‘rinocerontët “e politikës shqiptare e sigurtë që do të përfundojnë në ‘hardhuca’./ ePavarura