Kreu i PD dhe i opozitës ka marrë vetë përsipër bllokimin e rrugës te mbikalimi i Milotit, duke paralizuar për një orë gjithë lëvizjen në akset rrugore në veri të vendit.
Por bllokimi do të paralizojë dhe lëvizjen e qytetarëve të Kosovës, Maqedonisë së Veriut dhe të Malit të Zi, apo udhëtimet drejt këtyre vendeve, fqinjë me Shqipërinë.
Zyrtarisht PD bën me dije se në krye të militantëve demokrate që do të protestojnë sot në Milot duke bllokuar kete aks rrugor, në orën 18.00 deri në 19.00 do të jetë vetë Lulzim Basha dhe në mbështetje të tij në këtë akt që po u shkatërron jetën qytetarëve dhe jo qeverisë së Ramës, do të jetë dhe Mul Noka.
Ndërsa opozita e ka argumentuar qëllimin e kësaj proteste me rikthimin e zgjedhjeve të lira dhe të ndershme dhe çrrënjosjen e krimit të organizuar dhe të korrupsionit, për ironi të fatit Basha bllokon fillesën e “Rrugës së Kombit”, për të cilën akuzohet se ka vjedhur 230 milionë euro.
Pavarësisht se e mbylli me procedurë dhe raporte mjekësore procesin e iniciiuar nga KLSH e drejtuar në atë kohë nga ish deputeti i Berishës që konstatoi këtë humbje marramendëse për buxhetin e shtetit, Basha nuk ka hezituar të rikthehet në “vendin e krimit”.
Atëherë ia nxiu buxhetit të shtetit duke i zhdukur 230 milionë euro, tanio po ua nxin jetën qytetarëve që nuk i kanë asnjë borxh që t’i bllokojë në trafik për një orë e kusur.