Lëkundje të forta tërmeti u ndjenë mbrëmjen e djeshme në disa qytete të Shqipërisë. Në fakt epiqendra e tërmetit ishte në Greqi, por lëkundjet ishin aq të forta sa u ndjenë edhe në vendin tonë.
Dëme kolosale pas tronditjes pati në Follorinë. Banorët u tronditën për disa sekonda, duke bërë që ata të dilnin nga shtëpitë e tyre.
Nga pamjet filmike të xhiruara brenda shtëpive, dallohet se sa i fortë ishte tërmeti.
Sipas të dhënave nga institucionet përkatëse janë ndjerë 4 lëkundje brenda 30 minutave.
Tërmeti i parë ra në Detin Adriatik dhe ishte 2.3 ballë, ndërsa 3 lëkundjet e tjera në Greqi, përkatësisht 5.5, 3.5 dhe 4.8.