Banka Botërore ka prezantuar sot në Tiranë raportin ekomomik rajonal.
Gazetarët pyetën ekonomistët e BB edhe lidhur me vendosjen e tarifës në Rrugën e Kombit.
Sipas institucionit ndërkombëtar, vendosja e tarifës është e nevojshme, por duhet parë me kujdes trajtimi i banorëve të zonës të cilët duhet të kenë lehtësira.
“Pagesa në rrugën e Kombit është e nevojshme, por duhet të merren parasysh nevojat e banorëve të zonës”, tha përfaqësuesja e Bankës Botërore gjatë konferencës në Tiranë.
Më tej, ekonomistja e Bankës Botërore, tha se politikat monetare kanë mbështetur rritjen ekonomike dhe eksportet kanë pasur performancë të mirë.
“Politikat monetare kane mbështetur rritjen ekonomike dhe borxhi në vitin 2017 është ulur në 71%. Inflacioni është mesatarisht 2%, poshtë objektivit te BB.
Rritja ekonomike pritet te arrije ne 3.5 %, por rrezik mbetet, regresi ne politikat e brendshme. Duhet te vijoje reforma ne energji.”, tha ajo.