Në mbledhjen e sotme të Komitetit të Energjisë, ministrja e Infrastrukturës dhe Energjisë, Belinda Balluku qetësoi duke thënë se situata në Shqipëri pas reshjeve të shiut është më e mirë.
Balluku shtoi se nuk ka nevojë për panik tek qytetarët, pasi nuk do të ketë as rritje çmimi dhe as ndërprerje të energjisë elektrike.
“Duke qenë se ka pasur interes të fortë nga publiku, duam t’ju themi se nuk ka vend për panik. Ne kemi folur edhe për krizën energjetike botërore, flasim për mungesë së energjisë elektrike edhe në botë. Ne e kemi garantuar që nga momenti i parë që nuk do të ketë as mungesë të energjisë elektrike dhe as rritje të çmimeve për familjet shqiptare dhe as për biznesin e vogël”, tha Balluku.