Avokat Spartak Ngjela i ftuar tek Ora news ka folur për sistemin e drejtësisë. Sipas tij vettingu po heq të korruptuarit.
“Shtet ligjor do të thotë të kesh gjykatë, të tjerat janë broçkulla. Ky është sistem i gjykatës, të tjerët tjerrin pambuk. Ne nuk kemi pasur gjykatë. Vetingu po eliminon gjithë korrupsionin. Po çfarë kishte Shqipëria? Kishte një marrëveshje korruptive mes gjyqtarëve dhe politikës. Marrëveshja ishte që ne do vjedhim shtetin, kurse ju do shisni drejtësinë. Kjo ka gjënë gjendja përpara se të ndërhynte Amerika, që ju mori kushtetutën me dhunë.
Kjo është në favorin tonë. Gjendja është që po bëhet vetingu i gjyqtarëve, gjyqtarët po na rezultojnë të korruptuar, gjykatën e lartë, nuk ka rënë bomba, por vetingu që e drejtojnë të huajt i ka nxjerrë të korruptuar në funksion të pasurisë.”, -tha Ngjela.