Nga Romeo Kara
Eshte me shume se e vonuar dhe akoma me shume urgjente: deklarimi i nivelit zyrtar te varferise.
Askush nuk mund të fshihet më pas gishtit. Deklarimi i ketij niveli viti pas viti, do te tregoje saktesisht se sa eshte luftuar varferia, dhe sa efektive jane politikat e qeverise. Eshte e sigurte se niveli zyrtar i varferise eshte shume mbi nivelin e rroges minimale, pensioneve dhe asistences.
Me deklarimin e ketij niveli, as asistenca nuk duhet te jete nen ate nivel, pa llogaritur pagat dhe pensionet.
Me deklarimin e atij niveli, jo vetem percaktohet si prioritet politika e rritjes se pagave, por edhe ajo e kontrollit te cmimeve te cilat shpeshhere rriten artificialisht duke shtrenjtuar spekullativisht jetesen.
Asnje prioritet tjeter nuk duhet te kete qeveria para luftes kunder varferise.
Asnje justifikim nuk mund të kete qeveria nese populli varferohet dhe ajo pasurohet.
Nuk ka moral dhe dinjitet nje qeveri qe nuk jeton dhe perfaqeson nivelin e popullit qe drejton.
Per cfare arritje mund te flase nje qeveri qe braktis popullin e saj ne perballjen fatale me mjerimin?
Njerzit mjerimi i ka bere te huaj per punen, familjen, shoqerine, vendin dhe per veten e tyre.
Ata jane tjetersuar nga armiku me i pashpirt qe eshte varferia.
Sikur vetem lojerat e fatit, bastet dhe llotarite të shtetezohem, shqiptaret dalin nga bataku i varferise dhe asnje ndihme sociale nuk do te jete nen ate nivel.
Zgjidhja eshte aty, por deshira, morali dhe vullneti mungojne.
Mungon edhe revolta e njerezve qe pas nenshtrimit nga varferia, kane pranuar pa kushte cdo lloj horri t’u hype ne qafe, të largohen nga vendi, te mbyllin gojen dhe te mos perballen.
Eshte ky fukarallik, i kontrolluar rreptesisht nga ata qe trashen në kurrizin tone, qe po na mban peng per vendin e punes, buken e gojes dhe friken e se nesermes.
Ajo qe mungon tek fukarai i ndershem, eshte me teprice tek i pasuri i pandershem dhe spekullant, prandaj duhet drejtesi, nje drejtesi e cila do coje edhe hakën tek i zoti.
Pa drejtesi nuk ka lufte kunder varferise, dhe pa luftuar varferine nuk ka dinjitet dhe liri reale si dhe arritje në luften kunder zbrazjes se vendit dhe zhvillimit te Shqiperise.