Në prill të 2018-ës do të nisin fluturimet ‘low cost’ midis Tiranës dhe Londrës. Autoriteti i Avionit Civil (AAC) raporton se fluturimet do të lidhin aeroportin ‘Nënë Tereza’ me aeroportin ‘London Stansted’.
Gjithashtu, më 13 prill të këtij viti, do të vihet në funksionim edhe lidhja ajrore midis Tiranës dhe Tel Avivit në Izrael.
‘AAC’ e konsideron 2018-ën si një vit të jashtëzakonshëm për arsye se po zhvillohen diskutime për lidhjen e Tiranës edhe me katër kryeqytete të tjera europiane, Helsinkin, Kopenhagenin, Bukureshtin dhe Moskën.
Reagimi
2018 do të jetë një vit i jashtëzakonshëm për Aviacionin Civil Shqiptar.
Duam të ndajmë lajmin e mirë, se janë miratuar lejet për fillimin e fluturimeve të rregullta me këto destinacione të reja:
-Tiranë-Tel Aviv (Izrael), duke filluar nga 13 Prilli 2018.
-Tiranë-Londër Stansted (Angli), duke filluar nga Prill 2018, fluturim ‘low cost’.
Kërkesa të tjera konkrete që po shqyrtohen dhe do të fillojnë gjatë 2018, ka për 4 destinacione të reja, fluturime charter, si më poshtë:
-Tiranë-Helsinki (Finlandë)
-Tiranë-Kopenhagen (Danimarkë)
-Tiranë-Bukuresht (Rumani)
-Tiranë- Moskë (Rusi)