Në një festë pompoze që u zhvillua dje në mbrëmje në Pallatin e Kongreseve në Tiranë nga ana e Grupit BALFIN, që festoi 30 vjetorin e themelimit të tij, ajo që ra në sy, ishte se manjatit Samir Mane, pronari i këtij Grupi, nuk i kishte ftuar asnjë politikan, nga asnjë prej kampeve, qoftë nga ana e qeverisë, qoftë nga ajo e opozitës.
Duke qenë se të ftuar kishte mjaft personazhe të njohura nga bota e medias dhe e biznesit në Shqipëri, duket se kjo nuk ka qenë një zgjedhje e rastësishme.
Nuk dihet se sa qindra mijëra euro ka kushtuar festa e Manes për punonjësit dhe partnerët e tij, me artistë si Olen Çezari, Vikena Kamenica, Ledri Vula dhe Era Istrefi, ndërkohë që ai vetë në këtë event shpalli dhe zgjerimin e Grupit të tij me një tjetër biznes në SHBA.
