Policia e Tiranës ka vënë në pranga Kreshnik Husajn, i njohur ndryshe si Kika i “Big Brother Albania 8”.
Mësohet se Kika është arrestuar pas 30 denoncimeve që i janë bërë atij nga bashkëpunëtorët e emisionit, që ishte duke përgatitur për transmetim në televizionin “Channel One”, gjithashtu nga viktimat e mashtruara.
“The one show…”, me producent e prezantues Kreshnik Husaj, kishte për bashkëpunëtore edhe Zaida Çobon, edhe kjo ish banore e të njëjtit edicion të Big Brother Albania.
Ishte Çobo, ajo e para që e denoncoi Kikën, ndërsa në një deklaratë për Insajderin, ajo i konfirmon të gjitha denoncimet që janë bërë drejt këtij të fundit.
Zaida Çobo shprehet:
Është e vërtetë që kam denoncuar Kreshnik Husajn dhe ai tashmë është arrestuar. Kam qenë e para që e kam denoncuar dhe që e kam vënë para përgjegjësisë bashkë me stafin. Nuk mjaftoi që ai abuzoi me emrin tim po ndërkohë ai nuk më pagoi për dy muaj e ca punë dhe mbi të gjitha nuk e pranoja dot faktin që mashtronte e merrte lekë nga njerëzit si pa të keq.
Ai ka plotë 30 denoncime, është normale që do nxjerrin edhe emrin tim se vërtetë isha unë organizatore dhe skenariste e po ashtu edhe moderatore, por të gjitha këto i kam bërë për emisionin e jo për dallaveret dhe mashtrimet e tij.”
Denoncime kanë bërë edhe disa vajza pjesëmarrëse në emisionin “The One Show nga Kika” të cilat kanë deklaruar se i kanë dhënë 300 euro Kikës në këmbim të promovimit si prezantuese në emisionin e tij.
Gjithashtu një tjetër denoncim është bërë nga një grup djemsh të cilët kanë deklaruar se ishin paraqitur për të marrë pjesë në një eveniment të quajtur “Mister & Miss Albania Plus” të organizuar nga Kika. Ky i fundit sipas pretendimit të tyre iu ka kërkuar favore seksuale në këmbim të çmimit të parë.
Rikujtojmë se Kreshnik Husaj, dy vite më parë ishte arrestuar nga policia në Pejë. Ndaj tij po ashtu ishte ngritur aktakuzë për prostitucion ku Kika akuzohej se ka detyruar gruan e tij që të kryente prostitucion.