Askush nuk do e besonte, madje edhe tifozi më i zjarrtë i Arabisë Saudite do i dukej e pabesueshme nëse dikush do i thoshte që kjo përfaqësuese fitoi 1-2 me përmbysje ndaj Argjentinës. “Arkitekti” i kësaj Kombëtarje, trajneri francez Hervé Renard është ndalur të flasë për mediat pas sfidës.
“Për të përmbledhur gjithçka, sot të gjithë planetët janë në një linjë. Argjentina është një ekip fantastik, fitues i Kupës së Amerikës së fundit, por futbolli është i tillë, është një çmenduri. Mund të ndodhë që motivimet të mos jenë në maksimumin e tyre kur luan kundër skuadrave inferiore, na ndodh edhe neve.
Nëse je Argjentina dhe luan kundër Arabisë Saudite, nuk ke të njëjtat motivime si kur luan kundër Brazilit. Tani mund të festojmë vetëm për 20 minuta dhe kaq, sepse kanë mbetur edhe dy ndeshje në grupe” – Tha ai.