Janë mbyllur takimet e sotme të kualifikuesve të kombëtareve për Euro 2024. Maqedonia e Veriut ka marrë një fitore të rëndësishme ndaj Maltës me rezultatin e ngushtë 2-1. Elmas dhe Churlinov ishin autorët e golave për maqedonasit të cilët shënuan në pjesën e dytë. Portugalia e ka pasur të thjeshtë përballë Liechtenstein. Luzitanët fituan thellë 4-0 ku Ronaldo shënoi dy gola, një me penallti dhe një me goditje dënimi. Slovenia ka fituar në transfertë përballë Kazakhistanit.
Bosnja ka marrë një triumf të rëndësishëm në shtëpi përballë një rivali direkt si Islanda. Boshnjakët fituan me rezultatin e pastër 3-0 duke e nisur mbarë fushatën eleminatore. Danimarka gjithashtu nuk e ka pasur të lehtë përballë Finalndës në Kopenhagen. Ata fituan me rezultatin 3-1. Irlanda e Veriut fitoi në transfertë ndaj modestëve të San Marinos me rezultatin e pastë 0-2. Ndërsa Slovaki-Luksmeburg u mbyll me rrjeta të paprekura 0-0.
Anglia ka marrë një fitore të rëndësishme ndaj Italisë në Napoli. “Tre Luanët” fituan me rezultatin 1-2 në stadiumin “Diego Armando Maradona”. Ekipi i Southgate e nisi mbarë takimin duke kaluar në avantazh me Rice që në minutën e 11. Më pas do të ishte Kane ai që do dyfishonte shifrat në fund të pjesës së parë në minutën e 44. Sulmuesi realizoi nga penalltia pas një prekjeje të topit me dorë nga Di Lorenzo. Me fillimin e së dytës Italia ishte më kërkuese.
Djemtë e Mancinit u hodhën në sulm në kërkim të barazimit. Ishte debutuesi Retegui ai që gjeti rrugën e golin në minutën e 55’. Për pak u duk se të kaltrit mund të barazonin. Në të 79-tën mbrojtësi anglez Luke Shaw u ndëshkua me të kuqe pas dy të verdhash. Por kjo nuk mjaftoi që Italia të barazonte. Minutat kaluan me azzurrët në gjysmë fushën angleze por pa e çarë dot mbrojtjen. Kështu Anlia merr një 3 pikësh mjaft të rëndësishëm përballë një rivali direkt.
Rezultatet:
Itali-Angli 1-2 (Retegui 55’/Rice 13′, Kane 44′ pen.)
Maqedonia e Veriut 2-1 Malta (Elmas 66′, Churlinov 72’/ Yannick 86′ )
Portugali 4-0 Liechtenstein (Cancelo 8′, Silva 47′, Ronaldo 51′,63′)
Sllovaki 0-0 Luksmeburg
Danimarkë 2-1 Finlandë
Kazakhistan 1-2 Slloveni
San Marino 0-2 Irlandë e Veriut