Nga Reldar Deda
Qytetari shqiptar ka nevojë shumë për qëndresë opozitare, por edhe për politikë opozitare racionale.
Ka shumë nevojë, ndoshta më shumë se gjithçka tjetër, për një klasë politike që aksionin politik e vendos gjithmonë në funksion të interesave të qytetarëve.
Kjo gjullurdia politike e opozitës nuk prodhon asgjë dhe s’mund të prodhojë asgjë, pasi askush s’e ha më “sapunin për djathtë”. Qytetari ka nevojë për sqarim, ka shumë nevojë për propozime që reflektojnë interesat e tij dhe mbi të gjitha ka nevojë të dëgjohet.
Askush, deri më sot, nuk ka parë asgjë nga “Rithemelimi” i Berishës, përveç linçimeve ndaj kolegëve të tyre opozitarë dhe ndonjë episodi banal në sallën e Kuvendit.
Nëse do vazhdohet edhe pak me këtë lloj race politikanësh, të jeni të sigurtë se qytetari, do marrë atë, madhështorin, bukuroshin të papërsëritshmin “Noc Rrokun”.
Një klasë politike që nuk sqaron, që nuk propozon dhe nuk lufton për ato që beson është një klasë politike që e ka vendin në koshin e mbeturinave të historisë shqiptare.