Arabia Saudite po vendos një rend të ri në tregun e transferimeve, vijon të josh lojtarët më të mirë në qarkullim me miliona euro në pjatë, shifra që shkojnë përtej çdo logjike sportive.
Për një pjesë të madhe të lojtarëve, ata që janë në fund karrierë, Arabia Saudite po kthehet në një minierë ari. Shumë lojtarë të kalibrit botërorë, si Ronaldo, Benzema, Kante, Koulibaly, Brozovic e shumë të tjerë zgjodhën milionat pavarësisht se mund të luanin pa frikë në ekipe të tjera Evropiane.
Inter Milan News Marcelo Brozovic S Al Nassr Transfer Update Will Please Cristiano Ronaldo
Sigurisht jo të gjithë, pasi lojtarë si Messi, Busquets, apo trajnerë si Mourinho e Zidane kanë refuzuar milionat. Këto kohë po qarkullojnë shumë zëra që flasin për një realitet ndryshe, jo gjithçka që shkëlqen është ar.
Për shembull, flitet që Benzema përfiton vetëm gjysmën e asaj që deklarohet në media, 200 milionë euro në vit është një shifër e fryrë nga media. Ka dhe raste si Ronaldo, i cili edhe pse përfaqëson një emër shumë të madh, e ka shumë të vështirë të prish kontratën me Al Nassr, nëse do e bënte diçka të tillë do të përballej me pasoja të mëdha.
Së fundmi, Arabia Saudite u tërhoq nga projekti i tyre për të organizuar Botërorin 2030, të vetëdijshëm se nuk mund të fitonin përballë konkurrencës së Spanjës dhe Portugalisë, por me siguri do ta bëjnë diçka të tillë në 2034, do të kandidojë për të organizuar atë Botëror.