Koncesioni i sterilizimit, që pas thellimit të hetimeve nga SPAK ka çuar në arrestime në nivel ministrie, biznesi dhe jo vetëm. Ky koncesion po mban në ankth Ilir Beqajn, pasi kjo dosje mund ta fundosë. Por në këtë koncesion ku kanë dalë emra zyrtarësh të akuzuar për korrupsion, është i përfshirë edhe oligarku Klodjan Allajbeu. Kjo pasi Allajbeu i “Spitalit Amerikan” për të marrë para nga koncensioni i sterilizimit ka futur gruan e tij, Iris Allajbeu. Kjo e fundit në 23 mars 2021 ka blerë 50% të aksioneve të kompanisë të kompanisë Kneo Transport e cila në kuadër të zbatimit të kontratës së koncensionit të sterilizimit ka marrë qindra mijëra euro. Por pasi Kneo Transport me emër të ndryshuar Med-Rad mori paratë nga koncensioni i sterilizimit dhe pas thellimit të hetimeve nga SPAK për korrupsion, Iris Allajbeu u largua nga kompania në 13 korrik 2021, duke ia dhënë sërish aksionet Kneon Laçit.
Detajet
Pra Klodian Allajbeu është shfaqur dhe pas koncensionit të sterilizimit. Në letra, përfitues i koncensionit korruptiv është Ilir Rrapaj, por një pjesë e parave kanë shkuar tek Klod Allajbeu. Si shfaqet dora e Allajbeut në dosjen e sterilizimit? Kompania koncensionare e sterilizimit SaniService me nipt L51910021C, sipas dosjes së SPAK-ut, ka kaluar qindra mijëra euro në llogari të kompanisë së transportit të mallrave Kneo Transport Kompani, me nipt L61313515J. Paratë janë kaluar për shërbime të pretenduara të kryera nga kompania Kneo Transport Kompani, në kuadër të zbatimit të kontratës së koncensionit të sterilizimit. Kompania Kneo Transport është themeluar nga Kneon Laçi në janar 2016, një muaj pas firmosjes së kontratës së sterilizimit të mes Ministrisë së Shëndetësisë dhe SaniService. Në 23 mars 2021, shfaqet Iris Allajbeu, bashkëshortja e Klodian Allajbeut, e cila blen 50% të aksioneve të kompanisë të kompanisë Kneo Transport, aktualisht me emër të ndryshuar në Med-Rad. Pasi Med-Rad mori paratë nga komcensioni i sterilizimit dhe pas thellimit të hetimeve nga SPAK për korrupsion, Iris Allajbeu largohet nga kompania në 13 korrik 2021, duke ia dhënë sërish aksionet Kneon Laçit. Tek gruaja e Allajbeut duket se janë stopuar edhe hetimet e SPAK-ut.
Allajbeu i “Spitalit Amerikan” ka futur gruan e tij për tëAllajbeu i “Spitalit Amerikan” ka futur gruan e tij për të
“Rrjeta” e Allajbeut
Por përfitimet e Allajbeut nuk ndalen vetëm te koncesionet. Kujtojmë se kompania “Evita” shpk, për të cilën shumë aktorë të tregut farmaceutik në Shqipëri janë të bindur se përfshin interesa të pronarit të “Spitalit Amerikan”, Klodian Allajbeu, përfitoi në kohën e koronavriusit kontratën për furnizimin me rreth 100 mijë teste të shpejtë për Covid-19, në një procedurë pa garë të zhvilluar nga Ministria e Shëndetësisë. Në atë kohë Ogerta Manastirliu dhe vartës të tjerë të rëndësishëm të saj, prezantuan në projektin për nisjen e testimit të shpejtë të qytetarëve, duke filluar nga Tirana e më tej në qytete të tjera të Shqipërisë.
Manastirliu nuk dha asnjë detaj se si ishin siguruar këto teste të shpejta dhe as se cila kompani do të furnizojë Ministrinë e Shëndetësisë. Megjithatë, të dhëna zyrtare, të publikuara në atë kohë, dëshmuan se tenderi ishte fituar nga “Evita” shpk, e cila ka paraqitur ofertë në të njëjtën vlerë me fondin limit, rreth 124 milionë lekë të reja.
