Një ngjarje e rëndë është regjistruar në Greqi, ku janë përfshirë dhe disa të rinj shqiptarë. Një 19-vjeçar grek Alkis, është vrarë nga një grup huliganësh, në të cilin merrnin pjesë persona me origjinë shqiptare. Pas ngjarjes policia ka nisur arrestimin e anëtarëve të grupit, ndërsa disa janë ende në kërkim.
Deri më tani në pranga ka përfunduar një shqiptar, ndërkohë raportohet se një tjetër që mori pjesë në vrasje ka mundur të kalojë kufirin dhe ka hyrë në Shqipëri. Bëhet fjalë për Roxhers Demirazi, 20 vjeçari që policia greke ka shpallur në kërkim, si pjesë e grupit të huliganëve që dhunuan deri në vdekje 18 vjeçarin Alqi Kombani në Selanik.
Në raportin përkatës thuhet se 20-vjeçari është identifikuar nga policia greke nga gjurmët e gishtërinjve dhe materiali gjenetik, të cilat janë gjetur në shtyllat që ndodheshin në vendin e vrasjes, ndërsa në kërkim janë shpallur një tjetër 20-vjeçar shqiptar dhe gjashtë grekë .
Policia thotë se Demirazi u nis për në Shqipëri më 2 shkurt , më pak se 24 orë pas vrasjes së Alkisit. Ai ka kaluar normalisht kufirin në Krystallopigi dhe nuk është përballur me problem me pasaportën, pasi deri në mëngjesin e së shtunës nuk është konsideruar në kërkim.
Vetëm të hënën në mëngjes fotografia e të riut shqiptar të arratisur, mbërriti në autoritet tona bashkë me të dhënat biometrike. Autoritetet greke thonë se 20-vjeçari mori pjesë në një incident të ngjashëm në vitin 2019.
Policia greke deklaron se arma që u përdor në krim ishte kosë e kuqe mbi të cilën ka ende gjak. Ajo u sekuestrua nga policia vetëm pak metra lar vendit ku ndodhi ngjarja.
Siç rezultuan nga analizat laboratorike, gjaku është i Alkisit dhe i njërit prej dy shokëve të tij që u plagosën dhe u dërguan në spital.
Autori me kosën e kuqe, jo vetëm vrau studentin e ri, por synoi të therte edhe shokun e tij. Kjo kosë shitet në treg dhe përdoret për prerjen e barërave të mëdhenj.
Autorët duke u larguar kanë braktisur armën vdekjeprurëse në vend dhe në fakt duket se e kanë përdorur edhe në sulme të tjera pasi në buzë të dorezës huliganët kanë vendosur shirit izolues që të mos u rrëshqasë nga duart ndërsa duket se është përdorur.