Dy drejtorët e Bashkisë Tiranë që janë arrestuar sot me urdhër të SPAK kanë reaguar lidhur me akuzat ndaj tyre.
“Jam i pafajshem. Nuk kam asnje lidhje me akuzat dhe nuk kam bere asnje veprim te kundraligjshem. Ne ushtrimin tim te detyres, kam punuar me perkushtim dhe kam zbatuar ne menyre rigoroze ligjin. Ndjehem i keqardhur qe SPAK ka rene pre e presionit politike te Ilir Metes, dhe Belind Kellicit qe kane nisur kete sulm politik ndaj meje prej muajsh, pa asnje fakt real.
Mbetem besim plote qe ky proces te mbaroje sa me shpejt, drejtesia te bej punen e saj dhe e verteta e pafajsise time te dale ne drite” – thotë Mariglen Qato.
Edhe Redi Molla shpreh besim se akuzat do rrëzohen në Gjykatë.
“Jam Inxhinier Ndertimi i diplomuar ne Itali, me nje karriere te gjate ne Itali dhe ne Shqiperi. Per 4 vjet kam drejtuar UKT me rezultate te shkelqyera dhe gjate gjithe kohes qe kam qene ne detyre kam rrespektuar ligjet e vendit, dhe kam dhene maksimumin tim. Sot u vura ne dijeni per akuzat e ngritura ndaj meje nga SPAK – deklaroj me bindjente plote qe per keto akuza jam i pafajshem, dhe nuk kam asnje lidhje interesash me kompanine ne fjale.
Ky sulm ka nisur ndaj meje prej me shume se nje viti, i frymezuar politikisht nga PD dhe PL, dhe me vjen keq qe pjese e ketij presioni kane rane jo vetem mediat, por dhe Prokuroria. Pres qe drejtesia te veproje shpejt dhe drejte dhe pafajsia ime te vertetohet nga gjykata. Do vazhdoje kete beteje ne cdo instance i bindur tek pafajsia ime…” – thotë Molla.