Fill pas akuzave të kryedemokratit Lulzim Basha i cili tha se qeveria Rama shkatërroi shtresën e mesme me taksa, ka ardhur edhe reagimi nga ish ministri Ilir Beqaj.
Përmes një postiimi në “Facebook”, ai ironizon se “sfidanti për kryeministër” duhet të tregojë deklaratën vjetore individuale të pasurisë për të kuptuar nëse gënjen apo thotë të vërtetën.
“Sfidanti për kryeministër në zgjedhjet e ardhshme parlamentare, LB, ka deklaruar se taksa progresive e Edi Ramës ka rënduar më shumë mbi shtresën e mesme. LB vetë, është i pasur, i varfër apo shtresë e mesme? Mjafton të na tregojë deklaratën vjetore individuale të të ardhurave në vite dhe e kuptojmë nëse gënjen apo thotë të vërtetën”, nënvizon Beqja.