Një person ka humbur jetën, pasi u përfshi në një aksident automobilistik. Ngjarja ka ndodhur mbrëmë në zonën e Kunes në Shëngjin të Lezhës.
Sipas policisë, automjeti tip Golf ka humbur kontrollin, duke dalë nga rruga dhe për pasojë humbi jetën Ermir Rroku 35 vjeç.
“Me datë 25.06.2018, rreth orës 21:06 është marrë njoftim se në Shëngjin, në vendin e quajtur Ura e Merrxhanit, mjeti tip Golf 4 me targa AA 995 BV ka dalë nga rruga ku për pasojë ka humbur jetën drejtuesi i mjetit shtetasi Ermir Rroku 35 vjeç, banues në Ishull Shëngjin.
Grupi hetimor në bashkëpunim me Prokurorinë e Rrethit Gjyqësor Lezhë po kryejnë veprimet për zbardhjen e plotë të shkaqeve të aksidentit”, sqaron paraprakisht policia.