Një këmbësor është përplasur nga një makinë në rrugën kryesore të qytetit të Lushnjes.
Mësohet se një mjet tip Toyota Yaris e cila drejtohej nga një femër ka përplasur shtetasin Qani Çela i cili po tentonte të kalonte nga trotuari në rrugë.
Pas goditjes nga makina këmbësori është përplasur në trotuare duke mare dëmtime në koke. Çela është dërguar me urgjencë në spitalin e Lushnjes ku po merr ndihmën e parë.
Policia e Lushnjes ka shoqëruar drejtuesen e mjetit për të zbardhur ngjarjen dhe shkaqet e aksidentit. Nga hetimet e para dyshohet se këmbësori Qani Çela nuk e ka vënë re mjetin kur ka tentuar të kaloj rrugën.
Qani Çela është me profesion polic rrugor por në momentin e aksidentit Çela ka qenë jashtë orarit të punës.