Çmimi i Madh i Las Vegas në Formula 1 ishte një nga garat që pritej më me padurim këtë sezon, por gjërat nuk shkuan ashtu siç priteshin për pilotin e McLaren, Lando Sa i takon garës, Max Verstappen me Red Bull triumfon edhe në Amerikë. Një garë mjaft interesante, me disa incidente, teksa dy herë hyri në pistë makina e sigurisë e një herë u aplikua makina virtuale e sigurisë. Gjithsesi, në fund triumfoi piloti holandez, që edhe pse u penalizua me 5 sekonda arriti të fitojë.
Në podium u ngjitën edhe Charles Leclerc (i dyti me Ferrari) dhe meksikani Sergio Perez (i treti me Red Bull). Vijon mallkimi për Leclerc, që këtë sezon nuk fiton dot kur e nis garën nga “pole”, teksa sot u ngjit në vendin e dytë pak metra larg finishit, kur parakaloi Perez.
Britaniku humbi kontrollin e makinës në xhiron e katërt, teksa kreu një aksident të frikshëm dhe u dërgua menjëherë në spital. Për fatin e mirë ai nuk ka pësuar asnjë dëmtim serioz, teksa nuk krijoi asnjë problem as për pilotët e tjerë.
Gjithsesi, Ferrari rivalizoi fort dhe grumbulloi pikë të rëndësishme për vendin e dytë për konstruktorë. Gara mbeti e hapur deri në fund, me shumë parakalime për të gjitha pozicionet. Në vendin e katërt u klasifikua Esteban Ocon (Alpine), që la pas Lance Stroll me Aston Martin.
https://twitter.com/yathintheone/status/1726121526863479106?