Departamenti Amerikan i Shtetit duke i kthyer përgjigje emisionit veting në Abc, ka thënë se vendimet ndaj të kurruptuarve mund të njoftohen edhe privatisht për personat nën akuzë. Kjo nënkupton, se mund të ketë politikanë, zyrtarë dhe aktorë të tjerë non-grata, që publiku nuk ka ose nuk do të ketë dijeni për këtë vendim ndaj tyre.
Ka qenë zëdhënësi për Europën dhe Euroazinë Ryan Walsh, i cili ka theksuar se Sekretari Amerikan i Shtetit është ai që i cakton nëse do të bëhen publikë ose jo emrat e personave që shpallen non-grata ose jo.
Gjithashtu zëdhënësi ka sqaruar se sanksionet prekin edhe familjarët e personave që shpallen non-grata.
Lista e zyrtarëve të shpallur non-grata nga Shqipëria u shtua me 2 emra: ish deputeti Aqif Rakipi dhe biznesmeni, pronari i mediave, Ylli Ndroqi. Por pas deklarimit te zëdhënësit për Europën dhe Euroazinë Ryan Walsh se jo të gjithë emrat e personave non grata publikohen lind pyetja: A janë non grata të pashpallur familja Meta-Kryemadhi?!