Rama mesazh Ilir Metës që të lidhet me Gruevskin për të kërkuar azil pasi e pret burgu, zbulon planin e Byrosë së Hetimit për ta arrestuar në vitin 2019
Kryeministri Edi Rama ka dekonspiruar mbrëmë planin e SHBA-BE për të futur në burg Ilir Metën, i konsideruar babai i korrupsionit në Ballkan, por që fatkeqësisht është president i shqiptarëve, me propozimin dhe votat e Ramës. I ftuar në Report Tv, Edi Rama, i dha një mesazh të koduar Ilir Metës, duke e paralajmëruar për fatin që e pret.
Rama i tha Nikollë Lesit, që Ilir Meta të marrë numrin e telefonit të ish-kryeministrit të Maqedonisë, Nikola Gruevski, i cili është arratisur në Hungari pasi u dënua me dy vite burg për korrupsion.
Me këtë mesazh, Rama paralajmëroi Metën që të nisë që tani lëvizjet për t’u arratisur pasi e pret fati i Gruevkit.
Ilir Meta është një ndër politikanët më të akuzuar në Shqipëri dhe Ballkan për korrupsion. Ai u kap në vitin 2010 me bllokuan e pazarit në dorë, duke bërë pazar me pasuritë publike, më zyrën e ish-ministrit të Ekonomisë, Dritan Priftit.
Megjithatë, Meta i shpëtoi burgut, për shkak të kapjes së Gjykatës së Lartë nga ai vetë dhe nga Sali Berisha. Të gjithë gjyqtarët që shpëtuan Metën sot janë përjashtuar nga drejtësia falë Vetingut si të korruptuar. Ilir Meta akuzohet për qindra afera korruptive.
Një raport sekret i OSBE e akuzon për lidhje me bandat, trafiqet e drogës dhe si porositës vrasjesh.
Megjithatë, ajo që pritet të fusë në burg Ilir Metën, është pasuria e tij përrallore. Meta ka deklaruar një pasuri me vlerë mbi 10 milionë euro, ku si të ardhura ka vetëm dy paga. Kur drejtësia të funksionojë normalisht dhe të mos kontrollohet nga mafia politike, Meta do të akuzohet për pastrim parash, fshehje pasurie, mashtrim me pasurinë, mosjustifikim etj. Procesi ndaj Metës pritet të nisë në vitin 2019, atëherë kur do të ngrihet Byroja Kombëtare e Hetimit, e cila do të kontrollohet nga SHBA-BE dhe jo nga mafia politike e Tiranës. Procesi do të jetë shumë i gjatë dhe do të marrë vëmendje ndërkombëtare.
Siç duhet, Rama është në dijeni të këtij plani, ndaj i dha këtë mesazh Metës, që të ndjekë rrugën e mikut të tij, Gruevski.
Aktualisht, Meta po bën çdo lëvizje për të mos rënë në duart e Byrosë Kombëtare të Hetimit. Meta ka kaluar të gjithë pasurinë në emrin e Monikës, e cila është në hall për vete pasi do të përballet me Byronë.
Meta po përdor Presidencën dhe ato pak kompetenca që ka për të ndaluar zbatimin e reformës në drejtësi.
Së fundmi, po bllokon Sandër Lleshin si presion për të marrë një garanci që të mos arrestohet. Por, asnjë forcë tokësore nuk e ndalon planin e SHBA-BE për të shembur kolonën e korrupsionit në Shqipëri./Pamfleti