Mediat dhe faqet pranë Sali Berishës, kanë nisur prej disa ditësh, shantazhet publike ndaj gjyqtarit Engert Pëllumbi, që do të shqyrtojë kërkesën e Erion Veliajt për lirimin nga burgu.
Portali i familjes Berisha, shkruante madje, se Pëllumbi ka marrë miliona euro nga njerëz pranë Veliajt, për t’u liruar nga burgu.
Nuk jepnin asnjë provë dhe asnjë fakt.
Dhe kjo bëhet me qëllimin e thjeshtë, që ta kompleksojnë dhe shantazhojnë atë, që mos të guxojë të marrë ndonjë vendim në favor të Veliajt.
Kjo në fakt i dha efektet që sot, kur gjyqtari Pëllumbi nuk hoqi sekuestrën preventive të të ndjerit Arben Xoxa, të blerë nga ai pa patur asnjë lidhje me Erion Veliajn dhe bashkëshorten, kur Ajola dhe Erjoni nuk njiheshin me njëri tjetërin.
Kjo ngre dyshimin që Pëllumbi është trembur dhe është kthyer në një skifter noter, për të mos ia prishur as Berishës por as Dados dhe dy kolegve të tij, për të sfiduar avokatët e ardhur nga Amerika të kryebashkiakut, të cilët nuk e njohin noterizmin dhe dyshen e skandalit të dretësisë shqiptare gjyqtarë-prokuror, por ligjin dhe drejtësinë me gjyqtarë arbitër.
E papritur do jetë nëse Pëllumbi që dënoi Saimir Tahirin për shpërdorim detyre, me një masë më të rëndë nga ajo që i kishin dhën gjykatat e mëparshme, në shkelje flagrante të kodit penal, të lehtësonte Erion Veliajn.
E sigurtë është që Pëllumbi do vendos pa pyetur askënd, duke shpërfillur avokatët amerikan dhe duke bërë një padrejtësi tjetër në kurriz të Kryetarit të Bashkisë së Tiranës, siç bëri dhe për Tahirin për tu bërë i famshëm dhe trim siç e do Sali Berisha. /Ekskluzive.al